Sport

Ratcliffe identifikon fajtorët për situatën e Man.United: "Njëri ishte një lojtar regbie dhe tjetri një kontabilist"

Milioneri anglez drejton gishtin nga Ed Woodward dhe Richard Arnold

16 Mars 2025, 15:00 Nga DOSJA

Ratcliffe identifikon fajtorët për situatën e Man.United:

ANGLI - Jim Ratcliffe, një nga pronarët e Manchester United, fajësoi drejtuesit e mëparshëm të klubit për situatën në të cilën ndodhen “Djajtë e Kuq”.

Milioneri 72-vjeçar, pronar i INEOS, i cili injektoi 356 milionë euro në arkat e klubit në dhjetor të vitit të kaluar, drejtoi gishtin drejt CEO-t të mëparshëm Ed Woodward dhe ish-drejtorit ekzekutiv Richard Arnold.

"Unë nuk do të toleroja Ed Woodward, ose Richard Arnold," tha ai për The Times në një intervistë. "Richard ishte një regbis, ai nuk e kuptonte fare futbollin. Ed nuk kishte kredencialet për të drejtuar klubin. Ai ishte një bankier, një kontabilist, ai nuk ishte drejtor."

Milioneri anglez shpjegon se ekipet e mëparshme drejtuese “nuk i kushtonin vëmendje detajeve” dhe e lanë mënjanë futbollin.

"Është sikur kemi pasur dy ekipe drejtuese në Manchester United në 12 vitet e fundit që kanë bërë një punë shumë të dobët, sepse pronarët nuk ishin, të themi, si Steve Parish (Crystal Palace) apo Daniel Levy (Tottenham).

Ata të dy e dinë se çfarë po ndodh, ata janë atje çdo ditë dhe ata i drejtojnë klubet e tyre në një zinxhir të ngushtë, dhe drejtuesit e tyre kanë qenë në një zinxhir të ngushtë (Ed Woodward dhe Richard Arnold) morën shumë vendime të këqija, gjëra marrëzie.

Ata krijuan një rrëmujë të plotë, është vërtet tronditëse.

B.T (Dosja.al)