Sport

Trajneri Tuchel i del në mbrojtje Jack Grealish: “Janë gjëra që ndodhin”…

I emëruar së fundmi si trajner i “Tre Luanëve”, gjermani Thomas Tuchel ka folur edhe për mungesën e lojtarit të Manchester Cityt.

16 Mars 2025, 13:30 Nga DOSJA

Trajneri Tuchel i del në mbrojtje Jack Grealish: “Janë

ANGLI - Këtë sezon, Jack Grealish është në fund. As tifozët, as trajnerët apo shokët e tij nuk duket se e njohin atë, në fushë apo jashtë saj.

Reputacioni i tij, si një njeri i afërt me festa të dehura, ka marrë përparësi ndaj pamjes së tij sportive. I përdorur gjithnjë e më pak nga Pep Guardiola në nivel klubi, me paraqitjen e tij të fundit më 26 shkurt dhe vetëm një minutë kohë loje, anglezi është fundosur.

I dëmtuar në ije, ai nuk u thirr nga Thomas Tuchel për kombëtaren e Anglisë, sipas këtij të fundit për arsye sportive.

“Këto janë gjëra që mund të ndodhin”

Në konferencën për shtyp, pyetja u ngrit sërish. Para së gjithash, ish-trajneri i Paris Saint-Germain dhe Chelsea donte t’i qetësonte gjërat.

“Ju, media, jeni të kënaqur të flisni për këtë, t'i bëni të gjitha publike. Të gjithë kanë një telefon sot, jo vetëm ju. Dhe këta djem janë të famshëm, janë personazhe publike. Këto janë gjëra që mund të ndodhin. Ne duam që ai të qetësohet pak. Por nuk është kjo arsyeja pse ai nuk është këtu. Është sportive”, u justifikua ai.

“Unë e dua Jack. Më pëlqen gjithçka tek ai: personaliteti, cilësitë e tij. Ai është një djalë me guxim. Ai mund të përballojë presionin. Ai mund të jetë ngjitësi që e mban këtë ekip të bashkuar”, thotë Thomas Tuchel.

Për të zëvendësuar anësorin e Manchester Cityt, ky i fundit vendosi të thërrasë Anthony Gordon nga Newcastle dhe të rregulltin me fanelën e bardhë, Marcus Rashford, të cilët i cilësoi si më të përshtatshëm.

B.T (Dosja.al)