Sport

Tuchel nuk do të këndojë "God Save the King" kundër Shqipërisë në Angli!...

Një javë para ndeshjes së tij të parë në krye të Anglisë, kundër Shqipërisë, trajneri gjerman Thomas Tuchel ka treguar se nuk do ta këndojë himnin kombëtar anglez, derisa të ndihet i denjë për të.

16 Mars 2025, 11:00 Nga DOSJA

Tuchel nuk do të këndojë "God Save the King"

ANGLI - Pak ditë para ndeshjes së tij të parë si trajner i Anglisë kundër Shqipërisë, Thomas Tuchel zbuloi skuadrën e tij të parë për shtypin britanik këtë të premte.

Tekniku gjerman u pyet për marrëdhënien e tij me himnin kombëtar anglez. Dhe ish- trajneri i PSG-së tregoi se ai do të priste para se të këndonte “God Save the King”, duke mos besuar se ende i lejohej.

“Ju keni një himn kombëtar shumë të fuqishëm, emocionues dhe kuptimplotë dhe unë do të jem krenar që do të jem në pankinë duke udhëhequr kombëtaren e Anglisë. (...) Do të thotë shumë për mua, ju siguroj, është kaq domethënëse, kaq prekëse dhe aq e fuqishme sa duhet të fitoj të drejtën time për ta kënduar atë”, tha ai në një konferencë për shtyp.

Lee Carsley, paraardhësi i gjermanit, ishte kritikuar për mos këndimin e himnit gjatë menaxhimit të tij të përkohshëm të “Tre Luanëve”, në fund të vitit 2024.

Thomas Tuchel shtoi gjithashtu se do të priste vërtetimin e të gjithëve përpara se të ndryshonte mendjen: "Ndoshta më duhet të zhytem më shumë në kulturë dhe të fitoj të drejtën time me ju, lojtarët, tifozët, në mënyrë që të gjithë të thonë: "Ai duhet ta këndojë tani, ai është njëri prej nesh, ai është menaxheri anglez, ai duhet ta këndojë".

B.T (Dosja.al)