Sport

Arne Slot: "Gjithmonë do të jemi të zhgënjyer që kemi humbur kundër PSG"

Liverpool do të luajë finalen e Kupës së Ligës (Carabao Cup) kundër Newcastle këtë të dielë (17:30), pas zhgënjimit të eliminimit nga Champions League nga PSG të martën.

16 Mars 2025, 10:30 Nga DOSJA
Arne Slot: "Gjithmonë do të jemi të zhgënjyer që

ANGLI - Por trajneri i Reds, Arne Slot, këmbëngul në rëndësinë e këtyre ndeshjeve për të vazhduar ecjen përpara dhe për të ruajtur intensitetin maksimal.

Ja se si u shpreh tekniku holandez në konferencën për shtyp, para sfidës ndaj Newcastles: “Pavarësisht nëse fitojmë apo humbim finalen, në secilin rast, ne do të jemi gjithmonë të zhgënjyer që kemi humbur ndaj PSG-së dhe do të jemi eliminuar nga Champions League.

Por ne luajmë ndeshje si ajo kundër PSG-së, si ajo kundër Newcastle tani, për të fituar. Kjo është ajo që ne po përpiqemi të bëjmë dhe me të vërtetë po e presim me padurim, të luajmë sërish në një finale.

Është një shans për të fituar një trofe. Dhe pozicioni ynë në kampionat është, natyrisht, një arsye që ne të vazhdojmë të ecim përpara. Nëse duhet të largoheni nga turneu, unë preferoj ta bëj ashtu siç bëmë kundër PSG-së dhe kundër Plymouth në FA Cup. Nuk mund të kisha kërkuar asgjë më të mirë nga lojtarët. Niveli i intensitetit ishte më i larti i sezonit”.

B.T (Dosja.al)

Sondazh

Poll

MË SHUMË