Aktualitet

Apeli i GJKKO rrëzon ankimimin e nënës së Ajola Xoxës, pasuritë e saj mbeten nën sekuestro

Vendimi u shpall ditën e sotme nga gjyqtari Engert Pëllumbi. 

10 Mars 2025, 09:56 Nga r.ll
Apeli i GJKKO rrëzon ankimimin e nënës së Ajola Xoxës,
gjkko

TIRANË- Apeli i Gjykatës së Posaçme ka rrëzuar ankimin e Valbona Xoxës, nënës së Ajola Xoxës për heqjen e sekuestros ndaj pasurive të saj. Apeli ka vendosur të miratojë masën e sekuestrimit për pasurinë e paluajtshme të saj. Vendimi u shpall ditën e sotme nga gjyqtari Engert Pëllumbi. 

NJOFTIMI I GJKKO:

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtari Engert Pëllumbi, sot më 10.03.2025, shpalli vendimin mbi çështjen penale nr. 12, datë 27.02.2025 regjistrimi, regjistruar mbi ankimin e ankueses V.X., me objekt: “Ankim ndaj vendimit nr. 84, datë 10.02.2025 të Gjykatës së Posaçme të Shkallës së Parë për Korrupsionin dhe Krimin e Organizuar, lidhur me caktimin e masës së sigurimit pasuror, sekuestro preventive, mbi pasurinë e paluajtshme”, dhe vendosi:

Miratimin e vendimit nr. 84, datë 10.02.2025 të Gjykatës së Posaçme të Shkallës së Parë për Korrupsionin e Krimin e Organizuar.

Kundër këtij vendimi mund të bëhet rekurs në gjykatën e Lartë brenda 45 ditëve nga e nesërmja e njoftimit të tij.

gjkko valbona xoxa

Sondazh

Poll

MË SHUMË