Aktualitet

Kanosje, përfshirje në sherr dhe lëndë narkotike, arrestohen 2 persona në Tiranë, procedohen 8 të tjerë

Sipas policisë në pranga ka rënë një 31-vjeçar pasi është kapur me lëndë narkotike, dhe një 55-vjeçar pasi janë kapur duke drejtuar mjetin në gjendje të dehur. Ndërsa tetë personat e tjerë të proceduar akuzohen për kanosje dhe përfshirje në sherr.

9 Mars 2025, 17:33 Nga dosja.
Kanosje, përfshirje në sherr dhe lëndë narkotike, arrestohen
Foto ilustruese

TIRANË - Dy persona janë arrestuar dhe 8 të tjerë janë proceduar penalisht nga policia pasi akuzohen për vepra të ndryshme penale.

Sipas policisë në pranga ka rënë një 31-vjeçar pasi është kapur me lëndë narkotike, dhe një 55-vjeçar pasi janë kapur duke drejtuar mjetin në gjendje të dehur.

Ndërsa tetë personat e tjerë të proceduar akuzohen për kanosje dhe përfshirje në sherr.

Njoftimi i Policisë:

•Specialistët për Hetimin e Narkotikëve arrestuan shtetasin M. T., 31 vjeç, pasi gjatë kontrollit fizik, shërbimet e Komisariatit të Policisë Nr. 4, i gjetën një sasi lënde narkotike të dyshuar kokainë e cila u sekuestrua në cilësinë e provës materiale.

•Specialistët për Hetimin e Krimeve të Komisariatit të Policisë Nr.3 referuan materialet në Prokurori, ku nisi procedimi penal në gjendje të lirë për shtetasin E. P., 48 vjeç, pasi dyshohet se për motive të dobëta është konfliktuar me dy shtetas.

•Specialistët për Hetimin e Krimeve të Komisariatit të Policisë Nr. 4:
-referuan materialet në Prokurori, ku nisi procedimi penal për shtetasin S. M., 30 vjeç, pasi dyshohet se qeni i tij ka kafshuar një 32-vjeçare;
-referuan materialet në Prokurori, ku nisi procedimi penal për shtetasin D. B., 29 vjeç, pasi dyshohet se për motive të dobëta ka kanosur një 67-vjeçar.

•Specialistët për Hetimin e Krimeve të Komisariatit të Policisë Nr. 5 referuan materialet në Prokurori, ku nisi procedimi në gjendje të lirë për shtetasit I. T., 79 vjeç dhe Y. T., 43 vjeç, pasi dyshohet se për motive të dobëta kanë goditur me grushte një 33-vjeçar.

•Specialistët për Hetimin e Krimeve të Komisariatit të Policisë Krujë, referuan materialet në Prokurori, ku nisi procedimi në gjendje të lirë për shtetasit F. B., 62 vjeç dhe E. B., 27 vjeç, pasi dyshohet se për motive të dobëta kanë goditur me grushte, një 19-vjeçar.

•Specialistët e qarkullimit rrugor arrestuan shtetasin Sh. A., 55 vjeç, pasi u kap duke drejtuar automjetin në gjendje të dehur.

policia arrestim

Sondazh

Poll

MË SHUMË