Sport

Giuliano Simeone: "Babi trajner? Ne jemi profesionistë dhe japim gjithçka për Atleticon"

“Kur shkoj në qendrën stërvitore, ai është trajneri i Atlético Madrid. Është kaq e thjeshtë."

8 Mars 2025, 09:00 Nga DOSJA

Giuliano Simeone: "Babi trajner? Ne jemi profesionistë dhe japim

SPANJE - Giuliano Simeone nuk është vetëm djali i një artisteje, por është edhe i një ish-lojtari argjentinas e që ka bërë pasurinë e tij te Atletico Madrid, duke e kthyer në një koloni të vërtetë: "Ka shumë argjentinas dhe e vërteta është se ne jemi një grup i mirë, shkojmë shumë mirë. Ne ndihmojmë shumë njëri-tjetrin," shprehet ai.

Zgjedhja e ekipit kombëtar? "Nuk kam folur kurrë me Spanjën. Edhe sikur të kishin... Unë jam 100% argjentinas. Thirrja e parë? Isha në shtëpi, i qetë, i ulur dhe Walter Samuel më dërgoi një mesazh. Ai më pyeti nëse mund të më telefononte dhe unë iu përgjigja në gjysmë sekonde.

Ai më tha: "Të kemi parë, të kemi ndjekur. Dua që të vish menjëherë në listën time të kombëtares". Familja dhe partnerja ime ishte aty, fillova të qaja, sepse është çmenduri të thirresha me kombëtaren e Argjentinës me të gjithë kampionët e botës dhe e vërteta është se ishte një lumturi shumë e madhe”.

Synimi i Kupës së Botës 2026? "E vërteta është se do të ishte çmenduri të isha në Kupën e Botës, një ëndërr. Natyrisht që do të doja të isha atje, por për ta bërë këtë duhet të stërvitem shumë çdo ditë, të përmirësoj shumë gjëra. Ka shumë lojtarë shumë të mirë që mund të jenë pjesë e kësaj liste. Por të luaj në një Botëror është ëndrra ime më e madhe."

A e bindi Julianin të nënshkruante për Atléticon? “Ishim në Lojërat Olimpike dhe u përpoqa ta bindja. I kërkoja çdo ditë të më jepte një përqindje... E vërteta është se ai po kalon një sezon të mrekullueshëm dhe shpresojmë të vazhdojë kështu”.

Një mbiemër që peshon? "Kam pasur shumë trajnerë që gjithmonë kanë kërkuar që lojtarët e tyre të japin gjithçka. Dhe gjithmonë përpiqem të bëj atë që kërkon trajneri nga ekipi: të japin gjithçka, performancën më të mirë të mundshme. Mendoj se jemi të dy profesionistë, fokusohemi te klubi dhe punojmë. Kur shkoj në qendrën stërvitore, ai është trajneri i Atlético Madrid. Është kaq e thjeshtë."

B.T (Dosja.al)

Sondazh

Poll

MË SHUMË