Aktualitet

"Kërkojmë të rregullohet..."/ Banorët e pesë fshatrave të Kukësit protestojnë për rrugën e dëmtuar: As miq nuk na vijnë në shtëpi nga rruga

Ata kërkojnë që rruga Kukës-Surroj, e cila është shumë e dëmtuar dhe e pakalueshme, të rindërtohet, pasi është bërë e vështirë për të kaluar. Nëse kërkesa e tyre nuk merret parasysh, ata paralajmërojnë bojkot të zgjedhjeve të 11 majit.

7 Mars 2025, 17:15 Nga E. D
"Kërkojmë të rregullohet..."/ Banorët e pesë
pamje nga vendngjarja

KUKËS- Banorët e pesë fshatrave të njësive administrative Kolsh, Surroj dhe Arrën kanë zhvilluar ditën e sotme një protestë para Bashkisë së Kukësit për të shprehur shqetësimin e tyre për gjendjen e rrugës që lidh këto fshatra. 

Ata kërkojnë që rruga Kukës-Surroj, e cila është shumë e dëmtuar dhe e pakalueshme, të rindërtohet, pasi është bërë e vështirë për të kaluar. Nëse kërkesa e tyre nuk merret parasysh, ata paralajmërojnë bojkot të zgjedhjeve të 11 majit.

“Ne kërkojmë që kjo rrugë të rregullohet, sepse është në një gjendje katastrofike. As miqtë nuk mund të na vijnë për vizita për shkak të kushteve të këqija”, shprehen banorët.

Ata theksojnë se, për shkak të gropave dhe dëmtimeve të shumta, rruga ka bërë të pamundur kalimin e automjeteve, duke krijuar vështirësi për jetesën e tyre të përditshme.

kukes

Sondazh

Poll

Aktualitet 7 Mars 2025, 15:57 N.F

Gjyshet që shpëtuan kuzhinën shqiptare

Foto ilustruese TIRANË- Pasi u izolua nga bota e jashtme për dekada dhe duke përjetuar një eksod masiv, Shqipëria po anon në ...