Politike

Dosja "5D"/ Gjykata e Posaçme shtyn seancën për në datë 12 Mars

Shkak për shtyrjen e seancës është bërë mungesa e tagrit ligjor të avokatit të të pandehurit, Taulant Tushe. Seanca e radhës është caktuar të mbahet në datë 12 Mars.

7 Mars 2025, 11:56 Nga B.Z
Dosja "5D"/ Gjykata e Posaçme shtyn seancën për
Foto ilustruese

TIRANË - Gjykata e Posaçme ka shtyrë seancën gjyqësore për dosjen "5D", aferën në Bashkinë e Tiranës në të cilat janë të përfshirë disa nga drejtorët e vendosur nga kryebashkiaku Erion Veliaj.

Mësohet se shkak për shtyrjen e seancës është bërë mungesa e tagrit ligjor të avokatit të të pandehurit Taulant Tushe. Seanca e radhës është caktuar të mbahet në datë 12 Mars.

Dosja "5D"/ Gjykata e Posaçme shtyn seancën për
Redi Molla dhe Mariglen Qato

Më 2 korrik të 2024 SPAK i komunikoi akuzat “korrupsion pasiv” dhe “mosdeklarim të pasurisë” Redian Mollës dhe Mariglen Qatos, ndërsa Taulant Tushes i komunikoi akuzën “shkelje e barazisë në tendera”. Tre ish-drejtorët u arrestuan në muajin mars të vitit të kaluar me urdhër të Prokurorisë së Posaçme Antikorrupsion, në kuadër të hetimeve për dosjen “5D”.

Ata u lanë në masën “arrest në burg”, ndërsa pesë persona të tjerë në masën “detyrim paraqitje”, konkretisht Enton Punavija, Julian Zanaj, Albano Janku, Nestor Muhamellari, Deborah Keçi dhe Englatina Zere. Sipas SPAK, Qato dhe Molla janë pronarë de facto të kompanisë “5D”, e cila sipas hetimeve, ka rezultuar fituese në disa tendera pranë bashkisë. Bëhet fjalë për 11 procedura tenderimi në harkun kohor të 6 viteve, nga 2016 deri në 2022. Kompania njihet dhe me dy emra të ndryshëm “Igor Electric” dhe “Vas construcion".

dosja 5d erion veliaj gjykata

Sondazh

Poll

MË SHUMË