Politike

"500 mijë shqiptarë janë larguar nga keqqeverisja jote"/ Rama i sulet komentuesit: Viktimë e kënetës! Keni probleme me aritmetikën...

Rama e ka quajtur komentuesin një viktimë të kënetës, ndërsa shton se sot Shqipëria ka ecur shumë përpara dhe nuk është më në kohën e Enverit. Rama thotë se ata që kanë ikur nga Shqipëria kanë ikur se kanë dashur jo se janë ndjerë të detyruar nga regjimi në Shqipëri.

4 Mars 2025, 09:20 Nga B.Z
"500 mijë shqiptarë janë larguar nga keqqeverisja
Edi Rama

BERLIN - Kryeministri Edi Rama ka vijuar me rublikën LIVE në rrjetet sociale "Sy m'sy", nga Berlini, teksa ju është përgjigjur komentuesve. Një komentues i thotë Ramës së 500 mijë shqiptarë janë larguar drejt Gjermanisë nga keqqeverisja e tij, ndërsa kreu i qeverisë nuk i ka kursyer sulmet. 

Rama e ka quajtur komentuesin një viktimë të kënetës, ndërsa shton se sot Shqipëria ka ecur shumë përpara dhe nuk është më në kohën e diktatorit Enver Hoxha. Rama thotë se ata që kanë ikur nga Shqipëria kanë ikur se kanë dashur jo se janë ndjerë të detyruar nga regjimi në Shqipëri.

Rama: Problemet me aritmetikën ju që flisni në emër të kënetës i keni shumë të rënda se ju ka lënë Luli me një traumë të madhe, dhe s'jeni në mend se ça flisni. Ata që kanë lëvizur janë në të drejtën e tyre të lëvizin sepse nuk jemi më në bunkerin e shokut Enver, as në piramidat e buf rrapushit, jemi në një botë të lirë. Nëse kjo që po bën Shqipëria sot për ty është karagjozllëk, më vjen keq për ty i dashur je viktimë e kënetës. 

edi rama shpopullim

Sondazh

Poll

MË SHUMË