Politike

"Tao është më kriminel se bandat"/ Berisha: Në Bruksel do të shkoj për të dhënë lajmin e fitores së 11 Majit

Berisha u pyet nga gazetarët në lidhje me ftesën në IDU, teksa u shpreh se në Bruksel do të shkojë për të dhënë lajmin e fitores së 11 Majit.

3 Mars 2025, 10:48 Nga B.Z
"Tao është më kriminel se bandat"/ Berisha: Në
Berisha

TIRANË - Kreu i PD-së, Sali Berisha ngriti akuza këtë të hënë se ish-ministri i Brendshëm Taulant Balla është i lidhur me bandat e krimit.

Jashtë ambjenteve të SPAK aty ku u paraqit në zbatim të masës detyrim paraqitje Berisha u shpreh se Balla është një kriminel i vërtetë që mban portofolin e ministrit dhe mandatin e deputetit. Sipas Berishës është më kriminel se bandat, të cilave u shërben.

Berisha u pyet nga gazetarët në lidhje me ftesën në IDU, teksa u shpreh se në Bruksel do të shkojë për të dhënë lajmin e fitores së 11 Majit.

Berisha: Një gjë dua të them, që për mua si përgjegjës, si kryetar i partisë kryesore opozitare, krimi elektoral është krimi i parë, krimi më i shëmtuar, më i rëndësishëm, më antikushtetues.
Ramën, Gjiknurin, Manjën dhe të tjerët i ka amnistuar Altin Dumani, kjo dihet që ata janë kriminelë elektoralë.
Por këto të dhëna të reja që paraqes unë për krimin elektoral, këto dëshmojnë amnistinë ndaj këtij krimi të shëmtuar nga Skapi i partisë, dëshmojnë hipokrizinë e pretendimit të tyre se do hetojmë krimin elektoral.
Ndërkohë, duhet të jemi realistë, Tao në dokumente figuron më i lidhur me disa banda. Jo me një, me disa banda.
Prandaj Tao, që është një kriminel i vërtetë që mban portofolin e ministrit dhe mandatin e deputetit, është më kriminel se bandat, të cilave u shërben...
...Lidhur me udhëtimin tim në Bruksel unë do të shkoj fitimtar atje.
Letra ka disa vlerësime të qarta aty se pse është ftuar Berisha në IDU. IDU është unioni demokrat ndërkombëtar dhe unë do shkoj atje pa diskutim edhe për të dhënë lajmin e triumfit të PD-së në zgjedhjet e 11 majit, për të dhënë edhe shembullin dhe praktikat se betejat për liri nuk humbasin kurrë...
...Lidhur me Elon Musk po bëhet një parapërgatitje për të qëmtuar se ku janë dhjetëra miliardë euro, ku i çoi Edi Rama, Lubi Balluku, etj. Ky do jetë një grup, në kuptimin e betejës është një grup që do merret me këtë betejë, kurse individë si Musk, nëna të dytë nuk bën.

sali berisha spak idu

Sondazh

Poll

MË SHUMË