Sport

Pasi u rrëzua në fushë, duke shkaktuar frikë... Moise Kean doli nga spitali

Fiorentina njoftoi të hënën se sulmuesi i saj tashmë është kthyer në Firence, pasi "testet diagnostike kanë rezultuar të gjitha negative".

24 Shkurt 2025, 11:11 Nga DOSJA

ITALI - Sulmuesi i Fiorentinës, Moise Kean, doli nga spitali i Veronës mbrëmjen e së dielës, pasi pësoi një goditje në kokë në ndeshjen kundër Hellas Veronës dhe u rrëzua në fushë disa minuta më vonë.

"ACF Fiorentina njofton se Moise Kean doli nga spitali i Veronës gjatë natës dhe është kthyer në Firence. Testet klinike dhe diagnostike të kryera kanë qenë të gjitha negative," tha klubi fiorentin në një deklaratë të shkurtër të hënën.

Kean, i cili u dërgua në spital me vetëdije, ishte protagonisti i një tjetër momenti të frikshëm për Fiorentinën, e cila më pak se tre muaj më parë pa italianin Edoardo Bove të pësonte një atak kardiak.

Në këtë rast, arsyeja që Moise Kean u rrëzua ishte goditja shumë e fortë që mori në kokë dhe e cila i shkaktoi një dëmtim pas 60 minutave të ndeshjes që skuadra e tij luante ndaj Hellas Veronës.

Pas mjekimit nga ekipi mjekësor i 'Violës', lojtari është futur sërish në fushë i marramendur dukshëm dhe pas vetëm pak minutash në të cilat nuk ka ndërhyrë, ka rënë në qendër të fushës.

Pasi u rrëzua në fushë, duke shkaktuar frikë... Moise Kean

Stafi mjekësor u përgjigj me shpejtësi dhe me lojtarin të ndërgjegjshëm, ndonëse shumë i trullosur dhe i tronditur, e evakuuan futbollistin me barelë dhe me ambulancë drejt spitalit për të kryer kontrollet përkatëse.

B.T (Dosja.al)

Sondazh

Poll

MË SHUMË