TIRANË- Namir Lapardhaja, ish-funksionar i lartë në PD, ka reaguar pas botimit të librit të Nexhmije Hoxhës, të vesë së diktatorit Enver Hoxha, ku rrëfen jetën e saj politike. Në një reagim në Facebook, Lapardhaja shkruan se nuk mund të imagjinojmë dot se çfarë mund të ndodhte nëse në Gjermani do botonte shkrime ish-bashkëshortja e Adolf Hitlerit, apo dhe në Itali nëse për publikimet e ish-gruas së Musolinit.
“Mjafton të lexosh sot Nexhmijen dhe e kupton se, pavarësisht kohës së madhe që ka kaluar, ajo është sërish e kthjellët për gjithçka i kanë bërë këtij populli, të vetëdijshëm dhe stoik për krimet e tyre”, shton më tej Lapardhaja.
REAGIMI I PLOTË
“Përjetime dhe meditime në jetën time politike” quhet libri i Nexhmije Hoxhës, së vesë së diktatorit. Libri po zë faqet e së përditshmeve më të mëdha në Shqipëri pa kurrfarë filtri dhe shënimesh shoqëruese. Për të kuptuar se në çfarë shoqërie thellësisht sklerozike jetojmë, imagjino se si do të reagonin gjermanët sot nëse Eva Braun, bashkëshortja e Hitlerit, do të shkruante kujtimet dhe përjetimet e saj për atë se çfarë ndodhi në Gjermaninë posthitleriane; ose imagjino se si do të reagonin sot italianët nëse Rachela Musolini do të ishte gjallë dhe do t’i jepej akses në “La Republica” etj., ku do të mbante qëndim e do të gjykonte, fjala vjen, për Berluskonin, Da Lemën, Andreotin etj.; ose sikur gratë e Pol Potit dhe të Pinoçetit të ftoheshin në media, t’u jepej minutazh i madh mediatik dhe të përditshmet e Kamboxhias dhe të Kilit të hapeshin në faqet e tyre të para me kujtimet dhe memoaristikën e tyre?!
Këto janë pyetje hipotetike, ngase në asnjë prej këtyre vendeve nuk mund të ndodhte një gjë e tillë. Por në Shqipër po. Gjithçka mund të ndodhë. Edhe për shkak të klimës së përgjithshme, ku jemi i vetmi vend që nuk mbajmë një qëndrim të qartë dhe të hapur për të kaluarën tonë të errët komuniste dhe diktatoriale. Jo vetëm kaq, por rrangallët e ndryshkyra të diktaturës i riciklojmë në majat më të larta të sistemit tonë të drejtësisë etj.
Mjafton të lexosh sot Nexhmijen dhe e kupton se, pavarësisht kohës së madhe që ka kaluar, ajo është sërish e kthjellët për gjithçka i kanë bërë këtij populli, të vetëdijshëm dhe stoik për krimet e tyre. Rrëfimi i saj është i mbushur me armiq të jashtëm dhe të brendshëm, për sabotatorë, për agjentura, për tradhëtarë etj., etj., sa të duket vetja sikur jeton në Shqipërinë e ’48-tës. Nexhmija dhe të ngjashmit e saj janë në “të drejtën” e tyre. Ky është dështimi ynë më i madh si shoqëri. Dhe, padyshim, vetëm një ndër fitoret e tyre mbi “demokracinë”.
Nexhmije Hoxha pak ditë më parë ka publikuar një libër, të titulluar “Përjetime dhe meditime në jetën time politike”, ku ka rrëfyer jetën e saj në politikë dhe vitet pas vdekjes së Enver Hoxhës. Po ashtu e veja e diktatorit tregon momentet më të rëndëishme në kohën kur ajo ishte në krye të shtetit.
(A.B. Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
“Aziiil”, “aziiil”. Ky është zëri i thellë që dëgjohet brenda xhamave të makinës Mitsubishi të policisë teksa shoqëron me forcë mësuesin turk Harun Ccelik natën...
TIRANË– Që prej ditës së djeshme IKMT ka nisur aksionin për shembjen e banesave, të cilat preken nga projekti i Unazës së Re. Pak çaste më parë ësh...
TIRANË– Pedagogu Ervin Goci ka ngritur një problem, i cili po shqetëson të gjithë pedagogët këtë muaj! Teksa administrata është kthyer në punë që më datë 6...
DURRËS- Policia e Durrësit ka vënë në pranga autorin e djegies së tetë makinave. Unifomat blu bëjnë me dije se autori është një 26-vjeçar me inicial...
TIRANË- Instituti i Shëndetit Publik ka zbuluar shkaqet e vdekjes tragjike të policit të Rrugores, Mariglen Mestani, në moshën 27-vjeçare.Shefja e D...
KËLCYRË- Pakoja e dyshimtë në varrezat e ushtarëve grekë në Këlcyrë nuk kishte lëndë plasëse brenda. Forcat xheniere bënë të mundur shpërthimin e koma...
TIRANË- Tre persona kanë vdekur në Shqipëri, ditët e fundit ndërsa shkaqet janë ende mister. Mësohet se dy persona kanë ndërruar jetë në QSUT dhe një i tre...
TIRANË- I dënuar me 25 vite burg për masakrën e Durrësit, Dritan Dajti, emri që vazhdon të ngjallë frikë në Shqipëri, shfaqet për herë të parë në publik pa...
DURRËS– Një 33-vjeçare ka humbur jetën në spitalin e Durrësit dy ditë më parë.Sipas deklaratës së të afërmëve, 33-vjeçarja ishte dërguar në s...
TIRANE– Dosja.al mëson detaje të reja për operacionin “Abuzuesit”, i finalizuar mbrëmë në Durrës, ku u prangosën 17 zyrtarë të policisë dhe të pushtetit vendor....