Politike

Gazetari investigativ amerikan: McGonigal u dënua se mori ryshfet nga kryeministri Rama, Departamenti i Drejtësisë së Biden fshehu marrëveshjen

Ai thotë më tej se Departamenti i Drejtësisë i ish-presidentit Joe Biden i dha McGonigal një marrëveshje për pranimin e fajësisë

22 Shkurt 2025, 15:24 Nga r.ll
Gazetari investigativ amerikan: McGonigal u dënua se mori ryshfet nga
rama, mcgonigal

SHBA- Gazetari investigativ amerikan, Chuck Ross ka folur përmes një postimi në rrjetet sociale për lidhjen e kryeministrit Edi Rama dhe ish-agjentin e lartë të FBI, Charles McGonigal. 

Sipas tij, është çmenduri që McGonigal u akuzua për marrjen e ryshfetit për të ndihmuar kryeministrin Rama, për të cilin thotë se është një mik shumë i ngushtë i Alex Soros, por detajet marrëveshjes së fajësisë nuk dolën kurrë në dritë. Ai thotë më tej se Departamenti i Drejtësisë i ish-presidentit Joe Biden i dha McGonigal një marrëveshje për pranimin e fajësisë.

Postimin e tij, Ross e ka shoqëruar me një foto dhe një link të një shkrimi të vitit 2023, ku ai tregon se si Alex Soros festoi 4 korrikun me një lider evropian që ka korruptuar një zyrtar të lartë të FBI-së.

"Një gjë e çmendur për mua është se si ish-zyrtari i FBI-së, Charles McGonigal u akuzua për marrjen e ryshfetit për të ndihmuar kryeministrin shqiptar Edi Rama, një mik shumë i ngushtë i Alex Soros, por detajet se marrëveshja nuk doli kurrë në dritë b/c Biden DOJ i dha McGonigal një marrëveshje për pranimin e fajësisë.", thuhet në postimin e Ross në "X".

Në shtator të 2023, Dosja.al ka zbardhur të plotë dosjen e ish-agjentit të FBI-së, Charles McGonigal. Ai ka pranuar se ka marrë 225 mijë dollarë nga ish-agjenti i shërbimit sekret shqiptar, Agron Nezaj për të lobuar kundër kreut të opozitës, Lulzim Basha dhe se ka takuar kreun e qeverisë shqiptare, Edi Ramën. Ish-agjenti u deklarua fajtor, në këmbim të një dënimi më të ulët. Në marrëveshjen që u arrit McGonigal i tregoi të gjitha, që nga vizitat në Tiranë, takimet, bisedat e fshehta, etj. Në dosje emri i kreut të qeverisë përmendet 11 herë. Në një pjesë të saj, nënvizohet se McGonigal ka përfituar udhëtime me shpenzime të mbuluara në Tiranë, Kosovë dhe Bosnjë, shpenzime që duket se janë mbuluar nga një shqiptar, ndërsa takimet me Ramën duket se janë organizuar nga një shqiptar tjetër, i cili përshkruhej si “këshilltar joformal” i Ramës.

 

edi rama charles mc gonigal

Sondazh

Poll

MË SHUMË