Politike

Olsi Dado dhe Erion Bani "e furnizojnë" me dosjet e SPAK? Berisha: Kategorikisht nuk është e vërtetë

Madje Berisha tha se ai ka hedhur një akuzë në drejtim të Dados, kur deklaronte se kishte lidhje me të fortin e Shijakut, Altin Hajri, por për të cilën kërkoi ndjesë më vonë.

20 Shkurt 2025, 23:21 Nga I.A

Olsi Dado dhe Erion Bani "e furnizojnë" me dosjet e SPAK?


TIRANË- Kryedemokrati Sali Berisha rrëzoi të gjitha akuzat e hedhura në drejtim të tij për lidhje me prokurorin Ols Dado që ka në dorë hetimet për Erion Veliajn dhe gjyqtarin Erion Bani, që e la pas hekurave kryebashkiakun e Tiranës. I ftuar në emisionin “Debat” në A2 CNN, Berisha e mohoi kategorikisht se Dado dhe Bani janë njerëzit që i japin dosje nga Sky ECC dhe Enchrochat. 

Madje Berisha tha se ai ka hedhur një akuzë në drejtim të Dados, kur deklaronte se kishte lidhje me të fortin e Shijakut, Altin Hajri, por për të cilën kërkoi ndjesë më vonë.

“Absolutisht kurrë, as njëri as tjetri. Unë e kam dëgjuar emrin e Olsi Dados, që u bë prominent, u bë kur unë e akuzova atë pa të drejtë se e lavdëronte Altin Hajri. Doli prokuroria menjëherë tha nuk është ky Olsi, është tjetër. Por secili ishte Olsi nuk e tregoi Altin Dumani. Kaq di unë për të. Po kështu Bano. E kam dëgjuar për herë të parë emrin e Banit, kur kthehu me guxim dosjen e ish-ministrit të Shëndetësisë, Ilir Beqja. Kur tha të hetohet. Edhe ajo mu duke akt i guximshëm i tij. Akt i guximshëm. Nuk janë këta dy”, u shpreh Berisha.

Kryedemokrati u ndal edhe te tërheqja e gjyqtares së Apelit të Posaçëm, Ilirjana Olldashi nga çështja “Veliaj”, duke thënë se ajo është kërcënuar.

“Çfarë ndodhi me këtë Ilirjana Olldashin? E futën në depresion, dha dorëheqjen, në një akt tmerri. Dhe thotë nuk jam mirë. Tha jam sëmurë mo. Dolën me dhjetëra deklarata se po e kërcënojnë nga të gjitha anët atë, Ilirjana Olldashin, e cila është një zonjë absurde në veprimet e saj ndaj meje, por prapë se prapë nuk jam kurrë për ta kërcënuar”, deklaroi Berisha.

Sondazh

Poll

MË SHUMË