Aktualitet

EMRI/ Në kërkim ndërkombëtar si pjesëtar i një organizate kriminale që merrej me trafik droge, arrestohet 25-vjeçari në Lezhë

Policia bën të ditur se Serxhio Nikolli, akuzohet nga autoritetet italiane për veprat penale “Organizata kriminale” dhe “Trafikimi i lëndëve narkotike”.

20 Shkurt 2025, 15:49 Nga E. D
EMRI/ Në kërkim ndërkombëtar si pjesëtar i një
foto ilustruese

LEZHË- Një 25-vjeçar është arrestuar në qytetin e Lezhës, pasi ishte shpallur në kërkim ndërkombëtar për përfshirje në një organizatë kriminale që merrej me trafik droge. Policia bën të ditur se Serxhio Nikolli, akuzohet nga autoritetet italiane për veprat penale “Organizata kriminale” dhe “Trafikimi i lëndëve narkotike”. Operacioni u realizua nga Komisariati i Policisë dhe Forca e Posaçme “Shqiponja”, në bashkëpunim me Interpolin. Gjithashtu pritetet të fillojnë procedurat për ekstradimin e tij në Itali.

Njoftimi i Policisë:

Finalizohet operacioni policor i koduar “Terni”, vihet në pranga 1 shtetas i shpallur në kërkim ndërkombëtar. Kapet në Lezhë dhe arrestohet me qëllim ekstradimin, një 25-vjeçar, i akuzuar nga autoritetet italiane, si pjesëtar i një organizate kriminale që trafikonte lëndë narkotike.

Shërbimet e Komisariatit të Policisë, në bashkëpunim me shërbimet e Forcës së Posaçme “Shqiponja”, gjatë operacionit të koduar “Terni”, kanë kapur në qytetin e Lezhës dhe kanë arrestuar me qëllim ekstradimin, shtetasin Serxhio Nikolli., 25 vjeç, banues në Shënkoll.

Ky shtetas ishte shpallur në kërkim ndërkombëtar nga Interpol Roma pasi akuzohet nga Gjykata e Ternit, Itali, për veprat penale “Organizata kriminale” dhe “Trafikimi i lëndëve narkotike”, parashikuar nga Kodi Penal i Italisë. Interpol Tirana dhe Interpol Roma do të kryejnë procedurat për ekstradimin e këtij shtetasi, në Itali.

serxhio nikolli

Sondazh

Poll

MË SHUMË