Politike

Dosja Toyota Yaris/ GJKKO nis gjykimin për ish-kryeprokurorin Aurel Zarka, pezullohet çështja për tre të tjerë

GJKKO ditën e sotme ka veçuar dosjen për tre personat e tjerë që janë ish-oficerja e BKH Erjona Dautaj, avokati Radovan Çela dhe Astrit Vladi. Shkak për veçimin e dosjes ka qenë fakti që ndodhen në kërkim dhe nuk janë arrestuar ende.

20 Shkurt 2025, 12:12 Nga I.A
Dosja Toyota Yaris/ GJKKO nis gjykimin për ish-kryeprokurorin Aurel Zarka,
Aurel Zarka

TIRANË- Gjykata e Posaçme ka nisur gjykimin për ish-kryeprokurorin e Vlorës Aurel Zarka në lidhje me dosjen 'Toyota Yaris'. Zarka është marrë i pandehur për korrupsion dhe ushtrim ndikimi të paligjshëm pasi emri i tij doli pas zbërthimeve të aplikacionit Sky Ecc.

Po ashtu GJKKO ditën e sotme ka veçuar dosjen për tre personat e tjerë që janë ish-oficerja e BKH Erjona Dautaj, avokati Radovan Çela dhe Astrit Vladi. Shkak për veçimin e dosjes ka qenë fakti që ndodhen në kërkim dhe nuk janë arrestuar ende. Për keta tre çështja u pezullua për një vit.

GJKKO më 31 korrik 2024 la në burg-kryeprokurorin e Vlorës Aurel Zarka, pasi akuzohet  për ndërhyrje të paligjshme dhe ndikim te gjyqtarët e prokurorët për 8 çështje gjyqësore. Bashkë me Zarkën u lëshuan tre urdhërarreste për magjistraten Erjona Dautaj, avokatin Radovan Çela si dhe shtetasin Astrit Vladi, të cilët nuk u ekzekutuan pasi të tre ndodhen jashtë shtetit. 

Sipas SPAK, Zarka merrte para për të ndikuar te prokurorët dhe gjyqtarët e çështjeve penale. Kryeprokurori ka ndikuar në katër raste për lehtësim të hetimeve të dosjes "Toyota Yaris", që nga një hetim për grup kriminal dhe pastrim parash prej 3.4 milionë euro u mbyll me një të dënuar, për mosdeklarim të të ardhurave në kufi.

aurel zarka gjkko dosja toyota yaris toyota yaris

Sondazh

Poll