Aktualitet

Pagesat fiktive, Ola Xama: Kushëriri i Xoxës tha se e mbante me bukë vjehrra, por bleu truallin e saj 140 mijë euro

Xama shprehet se Valmir Xoxa është pedagog në Universitetin e Arteve dhe pjesë e bandës frymore në Bashki. Ajo shton se Valmir Xoxa me të ardhura mesatare 1.1 mijë euro në muaj ka thënë që 140 mijë euro i ka mbledhur teksa ka jetuar te vjehrra.

17 Shkurt 2025, 22:15 Nga N.F
Pagesat fiktive, Ola Xama: Kushëriri i Xoxës tha se e mbante me
Ola Xama

TIRANË- Gazetarja Ola Xama tregoi dy episode të pagesave fiktive të kushëririt të Ajola Xoxës, siç është blerja e një trualli për 140 mijë euro. Xama në emisionin “Të Paekspozuarit” në MCN TV u shpreh se Valmir Xoxa merrte 1100 euro më muaj rrogë dhe bleu makinën e Ajola Xoxës gati tre herë më shtrenjtë se çfarë e kishte blerë ajo vite më parë.  

Xama shprehet se Valmir Xoxa është pedagog në Universitetin e Arteve dhe pjesë e bandës frymore në Bashki. Ajo shton se Valmir Xoxa me të ardhura mesatare 1.1 mijë euro në muaj ka thënë që 140 mijë euro i ka mbledhur teksa ka jetuar te vjehrra. Sipas tij ai vendosi të blej pjesën e truallit në vitin 2019. 

“Çështja është ende nën hetim. Prokuroria nuk ka ngritur akuzë ndaj shtetasit Valmir Xoxa, por dyshon se ai ka blerë në mënyrë fiktive, një truall në pronësi të Valbona Xoxa dhe Ajola Xoxa, për 140 mijë euro. Më pas në këtë tokë është marrë leje ndërtimi nga firma “Atelier 4”, që zotërohet nga vëllezërit Alban dhe Olsi Eftimi, ku Ols Eftimi del edhe mik i familjes Veliaj-Xoxa që ka ndihmuar me arredimin e vilës në Qerret.

Kur është pyetur Valmir Xoxa, që është pedagog në Universitetin e Arteve dhe pjesë e bandës frymore në Bashki, me të ardhura mesatare 1.1 mijë euro në muaj, ka thënë që 140 mijë euro i kam mbledhur kam jetuar te vjehrra dhe vendosa të blej pjesën e truallit në vitin 2019. Kur ra tërmeti paratë i futëm në jastëkë dhe madje ishim të pastrehë prej tërmetit dhe kemi shëtitur te të afërmit. Ndërkohë ai rezulton se ka marrë kredi të butë nga bashkia e Tiranës si i pastrehë.

Rezulton se Ajola Xoxa ka shitur një makinë Valmirit, që ajo e ka blerë 7 mijë euro dhe pas disa vitesh e ka shitur 23 mijë euro. 2.5 herë më e lartë. Ai shprehet e bleva se ishte super makinë, thotë ai, sipas SPAK, por iu prish motorri vitin e parë që e bleu dhe pastaj e shiti për 11 mijë euro,” tha Xama.

ola xama ajola xoxa valmir xoxa

Sondazh

Poll

MË SHUMË