Aktualitet

Me kapuça e maska, kush janë 2 autorët që grabitën 100 mijë euro nga banesa e mjekes në Shkodër (EMRAT)

Dy autorët janë shpallur në kërkim nga Policia. Ata akuzohen për veprën penale “Vjedhja” me pasoja të rënda, kryer në bashkëpunim. Ndërkohë nga kontrollet e ushtruara nga Policia janë gjetur dhe sekuestruar 3 maska, 1 kapuç, 5 celurarë dhe 5 palë targa.

14 Shkurt 2025, 15:48 Nga B.Z
Me kapuça e maska, kush janë 2 autorët që grabitën
Maskat e sekuestruara

SHKODËR - Frederik Shkambi, 27 vjeç, dhe Mikel Gjoni, 34 vjeç, janë dy autorët e grabitjes që u raportua këtë të premte në Shkodër. Në bashkëpunim me njëri tjetrin dy të rinjtë grabitën një shumë prej 100 mijë eurosh në banesën e mjekes infeksioniste Zhaneta Doçi.

Dy autorët janë shpallur në kërkim nga Policia. Ata akuzohen për veprën penale “Vjedhja” me pasoja të rënda, kryer në bashkëpunim. Ndërkohë nga kontrollet e ushtruara nga Policia janë gjetur dhe sekuestruar 3 maska, 1 kapuç, 5 celurarë dhe 5 palë targa.

“Të kërkuarit janë F. Sh., 27 vjeç, banues në Shkodër, për veprën penale “vjedhja” me pasoja të rënda, kryer në bashkëpunim dhe M. Gj., 34 vjeç, banues në Shkodër, për veprën penale “vjedhja” me pasoja të rënda, kryer në bashkëpunim dhe “prodhimi dhe shitja e narkotikëve.

Gjatë kontrollit në banesën e 27-vjeçarit, shërbimet e Policisë kanë gjetur dhe sekuestruar 3 maska, 1 kapuç, 5 celularë, 5 palë targa dhe sende të tjera të kundërligjshme, ndërsa gjatë kontrollit në banesën e 34-vjeçarit kanë gjetur dhe sekuestruar një sasi lëndë të dyshuar narkotike cannabis sativa. Materialet e dosjes penale i kaluan Prokurorisë së Shkodrës, për veprime të mëtejshme," thuhet në njoftimin e policisë.

vjedhje shkoder

Sondazh

Poll

MË SHUMË