Sport

CAS konfirmon se Rumania do ta vuajë sjelljen e tifozëve të saj ndaj Kosovës…

Gjykata e Arbitrazhit Sportiv (CAS) ka hedhur poshtë ankesën e Federatës Rumune të Futbollit në lidhje me sanksionin që kërkon që kombëtarja e saj të luajë ndeshjen e radhës në shtëpi me dyer të mbyllura, për të ndëshkuar sjelljen e tifozëve të saj (thirrje ksenofobike dhe raciste, hedhje sendesh, etj.) gjatë ndeshjes së 15 nëntorit 2024 kundër Kosovës.

13 Shkurt 2025, 15:57 Nga DOSJA
CAS konfirmon se Rumania do ta vuajë sjelljen e tifozëve të saj

ZVICER - Gjykata e Arbitrazhit Sportiv (CAS) në Lozanë, të enjten konfirmoi sanksionin kundër Rumanisë: ku kombëtarja e saj do të duhet të luajë ndeshjen e radhës në shtëpi me dyer të mbyllura (kundër Bosnje-Hercegovinës më 21 mars, një ndeshje që po llogaritet për kualifikimet e Kupës së Botës).

Ky sanksion, i shoqëruar me një gjobë prej 128.000 eurosh, u vendos nga UEFA më 20 nëntor 2024, pesë ditë pas incidenteve që prishën ndeshjen Rumani-Kosovë në Ligën C të Kombeve (0-0, ndeshje që më pas u fitua 3-0 në tavolinë nga Rumania, pasi futbollistët kosovarët kishin lënë fushën dhe refuzuan ta përfundonin ndeshjen).

Kolegji i gjyqtarëve i mbledhur nga CAS hodhi poshtë ankesën e RFF, duke konfirmuar sanksionin e UEFA-s. Ai konsideroi se sjellja e tifozëve rumunë gjatë ndeshjes në Bukuresht kundër Kosovës, ishte mjaft serioze (thirrje ksenofobike, thirrje raciste, hedhja e sendeve në fushë, hedhja e bombave tymuese etj.) dhe sanksioni proporcional.

Duhet theksuar se një tjetër ankesë në CAS është bërë, kësaj radhe nga Federata e Kosovës, për të kundërshtuar vendimin e UEFA-s për rezultatin në tavolinë, çështje që ende nuk është shqyrtuar.

B.T (Dosja.al)

Sondazh

Poll

MË SHUMË