Politike

"S’jam i kënaqur me rezultatin"/ Haradinaj: Do të punojmë për një qeveri të opozitës, s'ka koalicion me LVV

Një ditë pas zgjedhjeve, Haradinaj në konferencë ka theksuar se pavarwsisht këtij rezultati do të vazhdojë punën për një qeveri të opozitës.

10 Shkurt 2025, 12:34 Nga I.A

"S’jam i kënaqur me rezultatin"/ Haradinaj: Do të

KOSOVË- Kryetari i AAK-së, Ramush Haradinaj ka deklaruar se nuk është i kënaqur me rezultatin e zgjedhjeve të 9 shkurtit. Një ditë pas zgjedhjeve, Haradinaj në konferencë ka theksuar se pavarësisht këtij rezultati do të vazhdojë punën për një qeveri të opozitës.

“Edhe pse jemi në rezultate preliminare, 90 % të votave të numëruara, kanë mbetur edhe 10%, votat e diasporës, votat me kusht e pranoj që rezultati nuk është i mirë. Nuk jam i kënaqur me këtë rezultat. Do të reflektojmë, unë Aleanca me këtë rezuzltat që nuk i mirë. Ne do ta vazhdojmë këtë rrugëtim për t’i dhënë Kosovës qeverinë opozitare edhe në këtë rrethanë çfarë jemi. E vërteta është se opozita ka fituar shumicën e votave krahasuar me partinë në pushtete e cila pas katër viteve qeverisje nuk arriti të mbajë votat e veta," tha Haradinaj.

Haradinaj gjatë fjalës së tij ka mohuar çdo mundësi që të ketë një koalicion me Lëvizjen Vetëvendosje.

“Ne e shohim që në këtë politikë që e kam udhëheq si ndaj mashtruesit që e udhëheq Kosovën, pra qeverisë mashtruese, mendoj që është në nderin tim që të ndihmoj një qeveri të opozitës e assesi koalicion me VV-në”, tha Haradinaj.

 

ramush haradinaj

Sondazh

Poll

MË SHUMË