Politike

Berisha thirrje shqiptarëve: Më 11 maj të votojmë për të shpëtuar Shqipërinë nga kthetrat e Ramës

Berisha tha se çdo shqiptar duhet të ngrihet kundër Ramës dhe qeverisë së tij, pasi e akuzoi se po kryen spastrimin e shqiptarëve në Shqipëri. 

9 Shkurt 2025, 14:49 Nga r.ll
Berisha thirrje shqiptarëve: Më 11 maj të votojmë për
pamje nga takimi

ITALI- Kryetari i Partisë Demokratike, Sali Berisha iu ka bërë thirrje shqiptarëve që në zgjedhjet e 11 majit të votojnë për PD dhe jo për kryeministrin Edi Rama. 

Berisha tha se çdo shqiptar duhet të ngrihet kundër Ramës dhe qeverisë së tij, pasi e akuzoi se po kryen spastrimin e shqiptarëve në Shqipëri. 

PJESË NGA FJALA E BERISHËS:

Një burrë i madh i kombit amerikan, Tomas Pejn u tha qytetarëve të vet, patriot do të thotë të ngrihesh kundër qeverisë tënde kur ajo shkelmon interesat e vendit tënd. Sot, çdo shqiptar që e ndjen veten patriot duhet të ngrihet kundër këtij qeveritari që po shkatërron farën tonë, kombin tonë. Miqtë e mi, një nga publicistët më të mëdhenj gjermanë, Majkëll Martens, shkruan se Edi Rama është kryeministri më i mirë i Serbisë pas Nikolla Pashiqit. Po, sepse në planet dhe verbërinë e tij, ultranacionalizmi serb nuk ka pasur qëllim tjetër përveç spastrimit të shqiptarëve.

Po ku ka ndodhur në historinë tonë kombëtare që në 10 vite të largohen nga Shqipëria mbi 45 përqind. A e dini se në Luftën e Dytë Botërore, kombi polak ka humbur 20 përqind të popullatës? Kurse shqiptarët në një gjenocid të butë të ushtruar në Edi Rama, humbasin në 10 vite, 45 përqind të materies së tyre. Ndaj dhe thirrja ime për çdo shqiptar, mos harro kurrë se ke lindur për të dashur dhe mbrojtur Shqipërinë dhe sot kjo thirrje është me 11 maj, të votojmë për të shpëtuar Shqipërinë nga kthetrat e këtij Pashiqi që nuk ka asgjë shqiptare.

sali berisha ne rome

Sondazh

Poll

MË SHUMË