Aktualitet

EMRAT/ Përfituan para nga një biznesmen pasi komunikuan me të në emër të drejtuesit të një institucioni vendor, arrestohet një person në Tiranë, një në kërkim

Mësohet se ata kanë përfituar 6000 euro.

7 Shkurt 2025, 11:55 Nga M.B
EMRAT/ Përfituan para nga një biznesmen pasi komunikuan me të
Personat e përfshirë

TIRANA- 26-vjeçari Ervis Belollari është arrestuar ndërsa 32-vjeçari Arsen Matollari është shpallur në kërkim pasi dyshohet se kanë përfituar një shumë parash, nga një biznesmen, pasi komunikuan me të në emër të drejtuesit të një institucioni vendor. Mësohet se ata kanë përfituar 6000 euro.

 

Ervis Belollari, është një personazh i njohur i TikTokut me  seudonimi "deluks". Ndërkohë, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

Njoftimi:

DVP Tiranë/Finalizohet nga Komisariati i Policisë Nr. 6, operacioni policor i koduar “Unknown".

Përfituan një shumë parash, nga një biznesmen, pasi komunikuan me të në emër të drejtuesit të një institucioni vendor, identifikohen 2 shtetas. Vihet në pranga njëri prej tyre, punohet për kapjen e tjetrit.

Specialistët për Hetimin e Krimeve të Komisariatit të Policisë Nr. 6, në vijim të veprimeve hetimore për zbardhjen e një rasti të përfitimit të një shume parash, me anë të mashtrimit, kanë organizuar dhe finalizuar operacionin policor të koduar “Unknown”, si rezultat i të cilit u arrestua shtetasi E. B., 26 vjeç, si dhe u shpall në kërkim shtetasi A. M., 32 vjeç.

Nga veprimet hetimore dyshohet se këta shtetas, në bashkëpunim me njëri-tjetrin, kanë përfituar 6000 euro nga një biznesmen, duke iu prezantuar atij si përfaqësues të drejtuesit të një institucioni vendor.

Vijon puna për kapjen e shtetasit A. M. dhe për dokumentimin e plotë të rastit. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

tirana

Sondazh

Poll

MË SHUMË