Sport

Trump shpall “non grata” dhe mbyll kufinjtë e SHBA-së për sportistët trans...

Trump ndalon transgjinorët të konkurrojnë në sportet e shkollave dhe kolegjeve për femra. Ai ka njoftuar se do të refuzojë edhe vizat për atletet femra transgjinore në Lojërat Olimpike të Los Angeles në 2028.

7 Shkurt 2025, 11:27 Nga DOSJA

SHBA - Donald Trump ka nënshkruar një dekret që ndalon pjesëmarrjen e grave transgjinore në garat sportive të grave në nivele shkolle dhe universiteti. Që prej marrjes së detyrës, Presidenti i Shteteve të Bashkuara ka nënshkruar shumë urdhra ekzekutivë, por asnjë me një inskenim kaq të kërkuar si ky, për të nënvizuar një nga premtimet më fitimprurëse elektorale.

Republikanët i kushtuan 20% të buxhetit të fushatës së tyre për paraqitjen e rasteve të izoluara dhe shumë pakicë si një problem kombëtar. “Me këtë urdhër ekzekutiv, lufta ndaj sportit të grave përfundon”, tha Presidenti i Shteteve të Bashkuara.

Në ceremoninë e nënshkrimit në Shtëpinë e Bardhë, Trump u rrethua me vajza dhe sportistë të rinj, si dhe sportistë që kanë marrë qëndrim në favor të ndalimit të pjesëmarrjes së grave transgjinore në garat e femrave.

Urdhri ekzekutiv bazohet në një interpretim të një ligji historik federal për të drejtat civile, që ndalon diskriminimin në bazë të seksit në çdo shkollë ose program arsimor që merr fonde federale.

Trump shpall “non grata” dhe mbyll kufinjtë e SHBA-së

Teksti i nënshkruar nga Trump u jep agjencive federale dorë të lirë për të siguruar që organizatat që marrin fonde federale të përputhen me këndvështrimin e administratës në interpretimin e këtij ligji. Për shembull, ai autorizon Departamentin e Arsimit të sanksionojë shkollat që lejojnë atletët transgjinorë të konkurrojnë dhe e autorizon atë të tërheqë fondet federale prej tyre .

Për sportet konkurruese, ky dekret inkurajon zbatimin e masave të ngjashme, me një paralajmërim dhe një sy në Lojërat Olimpike që do të zhvillohen në Los Anxhelos në vitin 2028.

Si do të ndikojë e gjithë kjo në Lojërat Olimpike të Los Anxhelosit?

Trump ka njoftuar se do të refuzojë vizat për atletet femra transgjinore, gjë që mund të ndikojë në pjesëmarrjen e disa skuadrave, përfshirë në Lojërat Olimpike. Por tani për tani, është e paqartë se si dekreti do të ndikojë në ngjarjen olimpike 2028 në Los Angeles.

Tani për tani, Trump ka udhëzuar sekretarin e tij të shtetit, Marco Rubio, t'i bëjë të qartë Komitetit Olimpik se ata duhet të refuzojnë atë që ata e përshkruajnë si "çmenduri transgjinore", duke iu referuar pjesëmarrjes së grave trans në garat e femrave.

Komiteti Olimpik Ndërkombëtar deri më tani nuk ka mbajtur qëndrim për këtë çështje, por e ka lënë në dorën e federatave ndërkombëtare të çdo sporti.

Ky urdhër ekzekutiv do të apelohet në gjykata dhe, në fakt, një gjyqtar tashmë ka ndaluar një tjetër: atë që detyroi gratë trans në burg të transferoheshin në burgjet e meshkujve. Rezistenca ndaj politikave të Trump po zhvillohet, pjesërisht, në gjykata.

Një polemikë e gjatë ligjore...

Pothuajse të gjitha shtetet republikane tashmë kanë ligje të ngjashme, por kjo vlen për të gjithë vendin. Sportistët trans dhe familjet e tyre kanë ngritur padi për të bllokuar ndalimet që ata besojnë se shkelin të drejtat e tyre për mbrojtje të barabartë sipas Kushtetutës.

Ata i përmbahen një vendimi të Gjykatës së Lartë të vitit 2020 që përcakton se diskriminimi i personave trans është diskriminim i bazuar në seks, bazuar në një ligj federal që ndalon diskriminimin në punë.

Disa nga këto procese gjyqësore kanë pasur sukses dhe kanë arritur të bllokojnë zbatimin e ligjeve të shtetit, të paktën ndaj paditësve.

Trump shpall “non grata” dhe mbyll kufinjtë e SHBA-së

Për shembull, një gjykatë apeli që dëgjonte çështje nga nëntë shtete perëndimore përmbysi ligjin e Idahos, që ndalonte sportistët trans të konkurronin në kategorinë gjinore që korrespondon me identitetin e tyre gjinor, duke gjetur se ka të ngjarë të diskriminohej në bazë të seksit.

Megjithatë, një gjykatës i qarkut të shtetit të Nju Jorkut lejoi që një ligj i ngjashëm të zbatohej në garat e qarkut. Të gjitha këto vendime janë marrë në shkallë të parë dhe janë ende në rrugë për në Gjykatën e Lartë, e cila me gjasë do të vendosë për këtë çështje.

B.T (Dosja.al)