Aktualitet

Arratisja e Daut Lazes nga burgu i Shën Kollit/ Drejtoria e Burgjeve: Ka shfrytëzuar sallën e mjekimit për tu larguar

Ndërkohë që drejtoria thekson se po analizohen pamjet e kamerave për të zbardhur dinamikën e ngjarjes. 

4 Shkurt 2025, 09:53 Nga I.A
 
Arratisja e Daut Lazes nga burgu i Shën Kollit/ Drejtoria e
Daut Laze

TIRANË- Drejtoria e Burgjeve ka reaguar për arratisjen e Daut Lazes nga burgu i Shën Kollit gjatë natës së kaluar. Sipas drejtorisë së burgjeve, Laze është larguar duke shfrytëzuar ambientin e mjekimit në këtë burg, për tu larguar nga rrethimi i institucionit. Ndërkohë që drejtoria thekson se po analizohen pamjet e kamerave për të zbardhur dinamikën e ngjarjes. 

Njoftimi i Plotë:

Në orët e para të mëngjesit të kësaj të marte, gjatë ndërrimit të turneve dhe kryerjes së apelit në burgun e Shën Kollit në Lezhë, është konstatuar mungesa e Daut Hysen Laze, i lindur më 30 gusht 1976 në Çorovodë dhe banues në Tiranë. Ai ishte arrestuar më 16 nëntor 2021. Me 4 nëntor 2024, Gjykata e Shkallës së Parë të Juridiksionit të Përgjithshëm Tiranë kishte vendosur ndaj tij masën mjekësore “Mjekim i detyruar në një institucion mjekësor”

Pas kontrollit të menjëhershëm nga stafi i policisë në institucion, është vërejtur se se Laze me mjekim të detyruar ka shfrytëzuar hapësirat e mundshme të cilat janë në parametrat e institucionit të posaçëm mjekësor për tu larguar nga rrethimi i institucionit. Aktualisht, po analizohen pamjet e kamerave për të zbardhur dinamikën e plotë të ngjarjes. Për ngjarjen është njoftuar SHKBB dhe po punohet intesivisht në bashkëpunim me strukturat e policisë për kapjen e tij.

drejtoria e burgjeve daut laze

Sondazh

Poll

MË SHUMË