Aktualitet

476 banesa të prekura nga përmbytjet në Durrës, kryebashkiakia Sako: Familjet e dëmtuara do të marrin dëmshpërblime

Sipas kryebashkiakes Emiriana Sako, janë identifikuar 476 banesa të dëmtuara. Sipas saj pronarët e të cilave do të dëmshpërblehen, pasi të bëhet edhe procesi i vlerësimit të dëmtimeve në to.

3 Shkurt 2025, 21:51 Nga N.F
476 banesa të prekura nga përmbytjet në Durrës,
Përmbytjet në Durrës

DURRËS- Vendi ynë u përfshi javën e kaluar nga moti i keq. Reshje të dendura shiu "pushtuan" qytetet e vendit ndërsa u regjistruan edhe problematika. Në qytetin e Durrësit reshjet e dendura të shiut kthyen rrugët në pellgje uji ndërsa u përmbytën edhe disa banesa.

Ndërkohë sot ka përfunduar evidentimi i objekteve të prekura nga përmbytjet e fundit në Durrës. Sipas kryebashkiakes Emiriana Sako, janë identifikuar 476 banesa të dëmtuara. Sipas saj pronarët e të cilave do të dëmshpërblehen, pasi të bëhet edhe procesi i vlerësimit të dëmtimeve në to.


“Ka përfunduar brenda një kohe shumë të shkurtër procesi i evidentimit të dëmeve në 476 banesa gjithsej. Pasi të kryhet edhe procesi i vlerësimit, të gjitha familjet e dëmtuara do të marrin dëmshpërblimet përkatëse. Jemi në çdo moment në shërbim të qytetarëve të Durrësit”, bën me dije Emiriana Sako.

Objektet e prekura janë kryesisht në zonën e ish-Kënetës, Plazhit, Shkozetit, Sukthit dhe Katundit të Ri, si zonat më të goditura nga reshjet e fund janarit të këtij viti.

përmbytjet në durrës

Sondazh

Poll

MË SHUMË