Sport

Tashmë zyrtare, Joao Felix është lojtar i Milanit, mëngjesin e së martës testet mjeksore!

Marrëveshja e përgjithshme do të jetë rreth 5 milionë, duke marrë parasysh edhe pagën që do të marrë mesfushori deri më 30 qershor.

4 Shkurt 2025, 00:33 Nga DOSJA
Tashmë zyrtare, Joao Felix është lojtar i Milanit, mëngjesin

ITALI - Joao Felix është i Milanit: është realitet. Pak pas orës 22 të së hënës, portugezi zbarkoi në Malpensa, duke nisur kështu aventurën e tij të re milaneze. 25-vjeçari nënshkroi kontratën në seli dhe më pas shkoi në Hotel Melià.  

Conceiçao e priste, pasi e kishte telefonuar sapo mbërriti në Milano. Të dy do të takohen sot në stërvitje, me trajnerin që e ka zhvendosur seancën për pasdite për të akomoduar blerjet e reja. Prandaj, ka shumë të ngjarë që ai të debutojë me Romën në Kupën e Italisë.

Marrëveshja mes Chelseat dhe Milanit për Joao Felix erdhi pas disa orësh negociatash: përcaktuese ishte puna e agjentit të njohur Jorge Mendes, i cili detyroi blutë e Londrës të favorizonin largimin e talentit të shfaqur te Benfica. Marrëveshja do të jetë një hua e rëndë prej dy milionë eurosh (e njëjta shumë e kërkuar nga Napoli për Okafor).

Marrëveshja e përgjithshme do të jetë rreth 5 milionë, duke marrë parasysh edhe pagën që do të marrë mesfushori deri më 30 qershor. 

B.T (Dosja.al)

Sondazh

Poll

MË SHUMË