Sport

Lajmi i keq për United: argjentinasi Lisandro Martinez i jep lamtumirën sezonit!...

Mbrojtësi argjentinas u lëndua kundër Crystal Palace në gju dhe do të mungojë për një periudhë të gjatë.

3 Shkurt 2025, 20:50 Nga DOSJA
Lajmi i keq për United: argjentinasi Lisandro Martinez i jep

ANGLI - Sezoni i Manchester United është një katastrofë. Rúben Amorim mbërriti me shpresën për të rikthyer rezultatet e dobëta të Erik ten Hag, por ndodhi e kundërta.

Situata është përkeqësuar. Në gjashtë ndeshjet e fundit të skuadrës në Old Trafford në Premier League, ata kanë humbur pesë. 

Humbja e fundit ishte kundër Crystal Palace (0-2) dhe gjëja më e dhimbshme nga të gjitha është se “Djajtë e Kuq” humbën edhe Lisandro Martínez, një nga lojtarët e tyre më në formë, për shkak të lëndimit. 

Që në fillim dëmtimi dukej shumë i keq, pasi lojtari kërkoi menjëherë të zëvendësohej, mezi lëvizte dhe u largua me barelë dhe i përlotur nga fusha.

Sot u konfirmua se ai kishte këputur ligamentet e kryqëzuara në këmbën e majtë dhe do të humbasë pjesën e mbetur të sezonit. Si zakonisht me këtë dëmtim, ai do të duhet të mungojë për të paktën 6 deri në 8 muaj. 

Mbrojtësi i Manchester United ka qenë në formë të mirë, pasi ka lënë pas shumë dëmtime që nga mbërritja në Old Trafford nga Ajax. Aq sa sezonin e kaluar ai mezi luajti 11 ndeshje në Premier League, ndërsa këtë sezon kishte luajtur tashmë 20 dhe po bënte diferencën. Sa keq. 

B.T (Dosja.al)

Sondazh

Poll

MË SHUMË