Sport

Pas Gimenez, Milani gati ta mbyllë edhe me Joao Felix!

Portugezi dëshiron të veshë fanellën kuqezi dhe menaxheri i tij, Jorge Mendes, mbrëmë ka shkuar nga Italia për në Angli për të biseduar direkt me drejtuesit e Chelseat për sulmuesin.

3 Shkurt 2025, 16:02 Nga DOSJA

Pas Gimenez, Milani gati ta mbyllë edhe me Joao Felix!

ITALI - Joao Felix është objektivi kryesor i Milanit në ditën e fundit të merkatos së dimrit. Portugezi dëshiron të veshë fanellën kuqezi dhe menaxheri i tij, Jorge Mendes, mbrëmë ka shkuar nga Italia për në Angli për të biseduar direkt me drejtuesit e Chelseat për sulmuesin.

Tashmë menaxheri i njohur e ka zhvilluar takimin e parë për të arritur deri te nënshkrimi. Sot ai do të insistojë. Do të ketë kohë deri në mesnatë kur të mbyllet afati i merkatos. Një “operacion” jo fort i lehtë, por është më afër se kurrë më parë që të realizohet.

Ish-futbollisti i Atletico Madridit, i cili i ka zhvilluar vetëm tri ndeshje si titullar në Premierligë me “Blues” në këtë sezon, dëshiron të ndërrojë mjedis. Kuqezinjtë e vlerësojnë shumë përfaqësuesin portugez, por nuk janë të gatshëm të harxhojnë shumë para për të.

Mendes është në presion: dëshiron ta gjejë gjuhën e përbashkët mes dy klubeve dhe ta plotësojë dëshirën e klientit të tij për t’u larguar nga ekipi i Enzo Marescas. Milani e do lojtarin në formë huazimi deri në fund të sezonit dhe mbetet të shihet nëse do të ketë marrëveshje sot për ta parë Joao Felixin me fanellën kuqezi.

B.T (Dosja.al)