Sport

Trajneri i Feynoord-it: “Milani është ëndrra e Gimenez!”

“Mendoj se të gjithë mezi presin t’i shohin ato përballje, por për momentin jemi të fokusuar te ndeshjet kundër Ajax-it dhe PSV-së.”

31 Janar 2025, 17:30 Nga DOSJA

Trajneri i Feynoord-it: “Milani është ëndrra e

HOLLANDE - Brian Priske, trajner i Feyenoord-it, foli në një konferencë për shtyp dy ditë para ndeshjes kundër Ajax-it, duke komentuar edhe mbi transferimin e mundshëm të Santiago Gimenez te Milani:

“Si trajner, detyra ime është të jap më të mirën me lojtarët që kam në dispozicion. Kam një marrëdhënie jashtëzakonisht të mirë pune me Dennis te Kloese (drejtor sportiv i klubit) dhe jemi në të njëjtën linjë. Drejtori ynë sportiv bën atë që është më e mira për klubin, edhe kur bëhet fjalë për një largim të mundshëm të Gimenez.

Do të më pëlqente shumë ta mbaja Santi-n, sepse është një lojtar shumë i mirë. Shpresoj që ta mbajmë, por kjo nuk është vetëm një vendimmarrje imja. E kuptoj që lojtarët kanë shumë ambicie. Është pjesë e futbollit që lojtarët duan të luajnë në kompeticione të mëdha, sepse është e rëndësishme të kesh ambicie. Karburanti për njerëzit në sport është realizimi i ëndrrave, ndaj e kuptoj plotësisht Gimenez-in. Të gjithë e dinë që Milani është një nga klubet e ëndrrave të tij.”

Do të përballeni me Milanin në play-off-in e Champions League?

Mendoj se do të jetë një sfidë tërheqëse. Do të jenë dy ndeshje shumë të bukura. Milani është pa dyshim një klub i jashtëzakonshëm, me shumë histori. Mendoj se të gjithë mezi presin t’i shohin ato përballje, por për momentin jemi të fokusuar te ndeshjet kundër Ajax-it dhe PSV-së.”

A keni shanse për t’u kualifikuar?

Sigurisht që kemi një mundësi, sepse kemi ndjesi të mira në Champions League. Nuk do të jetë e lehtë, por sigurisht që kemi një shans të mirë. Do të hyjmë në ato ndeshje me besim të plotë. Tani gjëja më e rëndësishme është të marrim pikë në Eredivisie dhe të kalojmë në raundin tjetër të Kupës së Holandës.

Si është gjendja e Gimenez?

Mirë. Sot nuk ishte në fushë, por synimi është që të stërvitet me ne nesër.

B.T (Dosja.al)