Politike

"Të jesh luftëtar i së vërtetës, detyrë fisnike!" Kreu i Unionit të të Përndjekurve politikë viziton Salianjin në burgun e Fierit

Ai shtoi se drejtësia nuk duhet përdorur për urrejtje dhe hakmarrje politike.

29 Janar 2025, 17:05 Nga M.B

 

"Të jesh luftëtar i së vërtetës, detyrë
Ervin Salianji dhe Besim Ndregjoni

 

FIER- Kreu i Unionit të të Përndjekurve politikë, Besim Ndregjoni, i shoqëruar nga dy ish-të burgosurit politikë Demir Pojani dhe Nuri Stepa, kanë vizituar sot në qelinë e burgut të Fierit, ish-deputetin demokrat Ervin Salianji. Ndregjoni tha pas takimit se mbështet Salianjin dhe e cilësoi këtë të fundit luftëtar të së drejtës dhe se vërtetës. Ai shtoi se drejtësia nuk duhet përdorur për urrejtje dhe hakmarrje politike.

“Të jesh luftëtar i së drejtës dhe së vërtetës në një vend ku sundon gënjeshtra dhe padrejtësia është një detyrë fisnike njerëzore. Padrejtësia në këtë vend është kthyer në formën më të keqe të sundimit, duke u quajtur demokraci.

Këtu kemi ardhur që të bëjmë një apel kombëtar që të mos e përdorni drejtësinë për urrejtje dhe hakmarrje politike. Bëni drejtësi të barabartë për të gjithë, si për qytetarin e thjeshtë , si për pushtetarin e madh. Ne sot i përcjellim mesazhin edhe politikës, edhe opozitës , jepni drejtësi", tha Ndregjoni.

ervin salianji

Sondazh

Poll

MË SHUMË