Sport

E frikshme!... Ofertë përrallore, e planifikuar nga Arabia Saudite për Vinicius Jr.

Edhe nëse Real Madridi nuk hap asnjë derë, Arabia Saudite synon të bëjë një ofertë monstruoze për të rekrutuar Vinicius!

28 Janar 2025, 12:00 Nga DOSJA

E frikshme!... Ofertë përrallore, e planifikuar nga Arabia Saudite

ARABIA SAUDITE - Arabia Saudite dëshiron Vinicius Junior dhe nuk ka ndërmend ta heqë lehtë dosjen, edhe nëse Real Madridi nuk ka dëshirë të shohë largimin e yllit të tij. 

Sipas informacioneve nga AS, klubi saudit është duke përgatitur një ofertë rekord për të tentuar të rekrutojë brazilianin gjatë afatit kalimtar të verës së ardhshme.

Një propozim transferimi prej më shumë se 300 milionë euro do të ishte në përgatitje për të bindur Real Madridin, i shoqëruar nga një kontratë astronomike prej 1 miliard euro neto për lojtarin për pesë vjet (200 milionë euro në sezon). Kjo shumë do të tejkalonte shumë rekordin aktual që mban transferimi i Neymar te PSG për 222 milionë euro në vitin 2017.

Vinicius do të zëvendësojë Neymarin?

Edhe pse klubi i interesuar saudit nuk është identifikuar ende zyrtarisht, dy opsione kryesore po dalin: Al Hilal, i cili mund të zëvendësojë Neymar në rast të largimit të tij të afërt dhe Al Ahli, i cili tashmë ishte përpjekur të afrohej me Vinicius verën e kaluar. Në atë kohë, Real Madrid refuzoi të negocionte, ndërsa lojtari ishte i hapur për të dëgjuar detajet e ofertës.

Megjithatë, pozicioni aktual i Vinicius mbetet i qartë: ai është i lumtur te Real Madrid dhe dëshiron të qëndrojë atje. Nga ana e tij, klubi madrilen i referohet klauzolës së largimit të lojtarit të vendosur në 1 miliard euro dhe nuk ka në plan ta shesë atë.

Madje, në fund të sezonit, Real Madridi planifikon të vazhdojë kontratën e tij, e cila i skadon në vitin 2027, duke e përmirësuar pagën aktuale me 20 milionë euro në sezon. Sidoqoftë, nëse Vinicius shpreh dëshirën e tij për t'u larguar, klubi mund të konsiderojë të diskutojë me sauditët për të maksimizuar kushtet e transferimit...

B.T (Dosja.al)

Sondazh

Poll

MË SHUMË