Politike

Zgjedhjet e 11 majit, Komisioni i Ekonomisë miraton fondin: 150 milionë euro për partitë politike!

Fondi u rrit me 20 milionë euro, për shkak se në këto zgjedhje do të votojë edhe diaspora.

28 Janar 2025, 13:15 Nga N.F
Zgjedhjet e 11 majit, Komisioni i Ekonomisë miraton fondin: 150
Foto ilustruese

TIRANË- Komisioni i Ekonomisë ka miratuar ditën e sotme fondint prej 150 milionë euro për t’ju shpërndarë partive politike për zgjedhjet e 11 majit. Në zgjedhjet e kaluara u shpërndanë 130 milionë euro. Fondi u rrit me 20 milionë euro, për shkak se në këto zgjedhje do të votojë edhe diaspora. 

Drejtoresha e Buxhetit, Mimoza Dhembi gjatë fjalës së saj u shpreh se në zbatim të pikës 1 të nenit 88 të Kodit Zgjedhor është përcaktuar se partitë politike pjesëmarrëse në zgjedhje dhe që kanë marrë jo më pak se 1% të votave në shkallë vendi në zgjedhjet më të afërta pararendëse të të njëjtit lloj përfitojnë fonde nga buxheti i shtetit në bazë të numrit të votave që secila parti ka marrë në ato zgjedhje.

Ajo shtoi se fondi përcaktohet për këtë qëllim me vendim të Kuvendit dhe përmban zë më vete në buxhetin e shtetit. Dhembi theksoi se ky fond nuk mund te jetë më pak sesa totali i shumave të shpërndara partive në zgjedhjet pararendëse. 

Gjatë diskutimit Eduart Shalsi, kryetar i Komisioni të Ekonomisë tha se deputet duke qenë se në këto zgjedhje kanë një specifikë që nuk e kanë pasur zgjedhjet e mëparshme duhet të rrisin pak shifrën për shkak të diasporës nga 130 në 150 mln lekë.

Emigrantët jashtë vendit kanë shprehur interes të lartë për tu regjistruar për të votuar për zgjedhjet e 11 majit. Në 11 maj shqiptarët do t’u drejtohen kutive të votimit për të zgjedhur qeverinë dhe parlamentin e ri.

zgjedhjet e 11 majit komisioni i ekonomisë

Sondazh

Poll

MË SHUMË