Bota

Google Maps dakord me Trumpin për Gjirin e Amerikës, do të riemërojë Gjirin e Meksikës: Përdoruesit meksikanë do të shohin emrin e vjetër! Të tjerët do ta gjejnë në hartë me të dy emrat

Departamenti i Brendshëm i SHBA tha të premten e kaluar se kishte ndryshuar zyrtarisht emrin e Gjirit të Meksikës në Gjirin e Meksikës dhe malin Denali të Alaskës, mali më i lartë i Amerikës së Veriut, në malin McKinley.

28 Janar 2025, 12:56 Nga N.F
Google Maps dakord me Trumpin për Gjirin e Amerikës, do të
Harta

SHBA- Google Maps ka njoftuar se do të ndryshojë emrin e Gjirit të Meksikës në Gjirin e Amerikës në hartat e SHBA. Presidenti amerikan, Donald Trump e bëri ndryshimin me urdhër ekzekutiv vetëm disa ditë pasi mori detyrën, duke përmbushur një premtim të fushatës. Ndryshimi do të jetë i dukshëm për përdoruesit në SHBA pasi të përditësohet zyrtarisht në Sistemin e Emrave Gjeografikë të SHBA-së, tha Google në një postim në Twitter.

“Kemi marrë disa pyetje rreth emërtimit në Google Maps. Ne kemi një praktikë të gjatë të zbatimit të ndryshimeve të emrit kur ato janë ndryshuar nga burime zyrtare qeveritare”, tha Google.

Megjithatë, emri do të mbetet "Gjiri i Meksikës" për përdoruesit e Google Maps në Meksikë. Përdoruesit jashtë SHBA-së dhe Meksikës do t'i shohin të dy emrat në Google Maps. Departamenti i Brendshëm i SHBA tha të premten e kaluar se kishte ndryshuar zyrtarisht emrin e Gjirit të Meksikës në Gjirin e Meksikës dhe malin Denali të Alaskës, mali më i lartë i Amerikës së Veriut, në malin McKinley.

Mali Danali quhej Mount McKinley deri në vitin 2015, kur u ndryshua nën Presidentin Barack Obama. Trump, i cili kishte kundërshtuar ndryshimin, kishte premtuar se do të kthente emrin e presidentit të 25-të amerikan, William McKinley, në malin e Alaskës.

 

google maps trump gjiri i meksikes

Sondazh

Poll

MË SHUMË