Aktualitet

KLP zgjedh si nënkryetar Erind Gërmenjin

Anëtari jo magjistrat i KLP, Erind Gërmenji u zgjodh si nënkryetar i KLP-së me votat e gjashtë prej 11 anëtarëve të këtij këshilli, gjatë një procedure të zhvilluar me dy raunde ku garuan tre kandidatë.

27 Janar 2025, 16:30 Nga M.B
KLP zgjedh si nënkryetar Erind Gërmenjin
KLP

TIRANA- Këshilli i Lartë i Prokurorisë, KLP zgjodhi të hënën më 27 janar nënkryetarin e ri, përmes një procesi votimi me dy raunde në të ciln garuan tre anëtarët jo magjistratë Erjon Fejzulla, Erind Mërkuri dhe Erind Gërmenji. Në raudin e parë, kandidati Erjon Fejzulla siguroi vetëm një votë, ndërsa dy të tjerët, Erind Mërkuri dhe Erind Gërmenji nga pesë vota secili.

Për rrjedhojë, dy kandidatët me pikë të barabarta vijuan garën, kun ë raundin e dytë të votimit, anëtari Erind Gërmenji siguroi gjashtë vota të 11 anëtarëve të këshillit, duke fituar pozicionin e nënkrytarit të KLP, që më parë ëhstë mbajtur nga ish-anëtari jo magjistrat, Tartar Bazaj. Pas përfundimit të mandatit të ish-kryetarit të KLP, Alfred Balla, afro tetë muaj më parë, KLP zgjodhi si kryetare kandidaten e vetme, Mirela Bogdani.

Megjithëse gjashtë prej 11 anëtarëve të KLP vijnë nga radhët e prokurorëve, legjislacioni përcakton se pozicionet drejtuese duhet të mbahen nga anëtarët jo magjistratë.

Nënkryetari i ri i zgjedhur i KLP-së, Erind Gërmenji ka mbaruar studimet e larta për Drejtësi pranë Universitetit të Tiranës në vitin 2004 dhe në vitin 2011 ka përfunduar Masterin e Nivelit të Dytë në “Shkencat Juridiko Penale” pranë Universitetit “Justiniani I”.

Prej vitit 2005 dhe në vijim, ai ushtron profesionin e Avokatit. Sipas jetëshkrimit të Gërmenjit të publikuar në faqen online të KLP, nga viti 2017 ai ka qenë pjesë e këshillit të përgjithshëm drejtues të Dhomës Kombëtare të Avokatisë, Tiranë. Në vitin 2019 e në vijim është i atashuar pranë Fakultetit të Drejtësisë si pedagog I jashtëm i lëndës së të Drejtës së Punës./ BIRN

klp

Sondazh

Poll

MË SHUMË