Politike

"Rama si Erdogan, shfrytëzon retorikën e demokracisë për të ndëshkuar rivalët politikë", Michael Rubin: Yuri Kim i ka dhënë prioritet marrëdhënieve personale me politikanë në vend që të thoshte të vërtetën

Rubin tha se zgjedhja e Yuri Kim për të mbajtur marrëdhënie të mirë personale me politikanët në qeverisje në vend që të thoshte të vërtetën lejoi përhapjen e korrupsionit. 

24 Janar 2025, 19:40 Nga r.ll
"Rama si Erdogan, shfrytëzon retorikën e demokracisë
michael rubin

TIRANË- Analisti Michael Rubin ka deklaruar sot se kryeministri Edi Rama po ndjek rrugën që presidenti turk Rexhep Tajip Erdogan ka ndjekur në Turqi. Në një lidhje live me Syri Tv, Rubin tha se Rama dhe Erdogan kanë shfrytëzuar retorikën e demokracisë që të ndëshkojnë kundërshtarët politikë dhe t'ju japin privilegje aleatëve të tyre. 

Ai tha se ish-ambasadorja amerikane Yuri Kim në Shqipëri zgjodhi që të ketë një marrëdhënie të mirë personale me politikanët në qeverisje në vend që të thoshte të vërtetën. Kjo zgjedhje sipas tij lejoi përhapjen e korrupsionit. 

Rubin: Asaj së cilës unë dhe SHBA i druhem është se Edi Rama po ndjek rrugën që Erdogan ndoqi në Turqi. Të dy kanë shfrytëzuar retorikën e demokracisë dhe mekanizmat e transparencës dhe antikorrupsion me qëllim që të ndëshkojnë kundërshtarët politikë dhe t'ju japin privilegje aleatëve të tyre. Kur bëhet fjalë për reputacionin e gjyqësorit sot, nuk i trajton të gjithë njësoj. Kur bëhet fjalë për SPAK është krijuar ndjesia se përdoret si armë kundër kundështarëve politike të Edi Ramës. Kjo është arsyeja pse Transparency International e renditi Shqipërinë në pozicionin e 97-të nga 180 vende. Yuri Kim është lloji i ambasadorit amerikan që i thotë politikanit çfarëdo lloj gjëje që dëshiron të dëgjojë që të ketë me të njëmarrëdhënie personale. Por kështu ka lejuar përhapjen e korrupsionit. Shumë shpesh Yuri Kim i ka dhënë prioritet marrëdhenieve personale në vend që të thoshte të vërtetën. 

michael rubin yuri kim

Sondazh

Poll

MË SHUMË