Aktualitet

"Kam probleme shëndetësore"/ Kërkoi zëvendësimin e masës "arrest me burg", GJKKO rrëzon kërkesën e Klajdi Merkajt

Ai u ekstradua në muajin nëntor të vitit 2024 nga Italia në drejtim të Shqipërisë, dhe akuzohet se pastronte paratë e vëllezërve Franc e Hajdar Çopja.

24 Janar 2025, 09:24 Nga B.Z
"Kam probleme shëndetësore"/ Kërkoi
GJKKO

TIRANË - Gjykata e Posaçme Antikorrupsion ka rrëzuar kërkesën e 35-vjeçarit, Klajdi Merkajt për zëvendësim të masës "Arrest me burg". Vendimi u dha mëngjesin e kësaj të premte nga gjyqtari i çështjes Bib Ndreca. 

Mësohet se Merkaj ka kërkuar zëvendësimin e masës së sigurisë me pretendimin se kishte probleme shëndetësore. Për këtë Gjykata e Posacme ka vendosur kryerjen e ekspertimit mjeko-ligjor për të përcaktuar gjendjen shëndetësore të Klajdi Merkaj. 

Merkaj ishte dënuar me “arrest në burg” nga gjykata për veprën penale  “Pastrimi i produkteve të veprës penale ose veprimtarisë kriminale”, kryer në bashkëpunim. Ai u ekstradua në muajin nëntor të vitit 2024 nga Italia në drejtim të Shqipërisë, dhe akuzohet se pastronte paratë e vëllezërve Franc e Hajdar Çopja.

Dy ditë më parë Prokuroria e Posaçme sekuestroi 1 milion euro pasuri të vëllezërve Franc dhe Hajdar Çopja. SPAK me urdhër nga GJKKO sekuestroi llogari bankare, truall, ndërtesa, garazhe, duplekse dhe apartamente. 

SPAK njofton se nga hetimet është zbuluar përdorimi i kriptovalutave nga ana organizatës kriminale, me qëllim realizimin e pagesave të ndryshme. Sipas organit të akuzës është ekzekutuar vendimi i gjykatës janë sekuestruar kriptovaluta me vlerë mbi 10 milionë dollarë. Po ashtu janë sekuestruar dhe pasuri të tjera të paluajtshme me vlerë 1 milion euro.

 

klajdi merkaj gjkko

Sondazh

Poll

MË SHUMË