Politike

Ish-drejtori i policisë Shkodër paditi Bardhin për akuzat lidhur me Sky Ecc, shtyhet seanca në GJKKO! Avokati: Tërhiqemi nga kërkesa për dëmshpërblim, duam vetëm dënimin e demokratit

Mësohet se Bardhi nuk ishte i pranishëm në seancë por u përfaqësua nga avokatët e tij ndërsa ish-drejtori Sula ishte në seancë.

21 Janar 2025, 13:06 Nga M.B
Ish-drejtori i policisë Shkodër paditi Bardhin për akuzat lidhur
Edmond Sula dhe Gazment Bardhi

TIRANA- Gjykata e Posaçme ka shtyrë për në datën 30 janar seancën gjyqësore për padinë e bërë nga ish-Drejtori i Policisë Shkodër Edmond Sula ndaj deputetit të PD-së Gazmend Bardhi. Mësohet se Bardhi nuk ishte i pranishëm në seancë por u përfaqësua nga avokatët e tij ndërsa ish-drejtori Sula ishte në seancë. 

Në nisje të seancës avokati i Edmond Sulës u shpreh se klienti i tij nuk kërkon dëmshpërblim, por vetëm dënimin e Bardhit, pasi i ka dëmtuar imazhin për shkak të fyerjes së bërë botërisht. 

"Deklaroj se tërhiqen nga kerkesa për dëmshpërblim për dëmin e shkaktuar, por kërkojnë vetëm dënimin e të akuzuarit Gazmend Bardhi për veprat penale të fyerjes dhe shpifjes së bërë botërisht", thotë avokati.

Ish-drejtori e paditi në GJKKO kreun e Grupit Parlamentar të Partisë Demokratike Gazmend Bardhi, pasi ky i fundit në datë 12 shtator, në foltoren e Kuvendit, hodhi akuza ndaj Sulës duke cituar disa komunikime që kanë dalë nga aplikacioni “Sky Ecc”.

gazment bardhi

Sondazh

Poll

MË SHUMË