Politike

Emërohet ambasadori i ri italian në Tiranë, Marco Alberti pason diplomatin Fabrizio Bucci

Marco Alberti është diplomuar me rezultate të larta për të Drejtën Ndërkombëtare në Universitetin e Bolonjës, në vitin 1997.

20 Janar 2025, 16:53 Nga N.F
Emërohet ambasadori i ri italian në Tiranë, Marco Alberti pason
Marco Alberti

TIRANË- Marco Alberti është caktuar si ambasadori i ri i Italisë në Shqipëri. Alberti pason diplomatin Fabrizio Bucci, të cilit i mbaroi mandati 5-vjeçar. Lajmin e konfirmoi sot përmes një postimi në rrjetet sociale, Ministria për Çështjet e Jashtme dhe Bashkëpunimin Ndërkombëtar të Italisë. Ministria për Çështjet e Jashtme dhe Bashkëpunimin Ndërkombëtar të Italisë konfirmoi mbështetjen për anëtarësimin e Shqipërisë në Bashkimin Evropian dhe uroi ambasadorin e ri.

“Transformimi i një bashkëpunimi strategjik në projekte dhe i projekteve në rezultate. Pasion dhe vendosmëri për të ndërtuar së bashku një të ardhme paqeje, zhvillimi të qëndrueshëm dhe rritjeje gjithëpërfshirëse midis dy popujve miq, duke mbështetur me bindje anëtarësimin e Shqipërisë në Bashkimin Evropian”, thuhet në postimin e Ministrisë për Çështjet e Jashtme dhe Bashkëpunimin Ndërkombëtar të Italisë.

Emërohet ambasadori i ri italian në Tiranë, Marco Alberti pason

Marco Alberti është diplomuar me rezultate të larta për të Drejtën Ndërkombëtare në Universitetin e Bolonjës, në vitin 1997. Ka filluar të punojë në sektorin privat. Në vitin 2000, Alberti është bërë pjesë e Shërbimit të Jashtëm Kombëtar.

Si diplomat karriere ka shërbyer në Buenos Aires dhe Nju Jork, i fokusuar te diplomacia tregtare. Pas një eksperience profesionale në Departamentin e Komunikimit dhe Marrëdhënieve me Jashtë të Ministrisë së Punëve të Jashtme, në vitin 2012 Marco Alberti ka punuar për Enel spa, kompania më e madhe në botë për sa i përket prodhimit të energjisë elektrike të gjelbër. Nga 1 shtatori 2021, ka shërbyer si Ambasador i Italisë në Kazakistan. 

 

marco alberti fabrizio bucci

Sondazh

Poll

MË SHUMË