Politike

KQZ ndryshon vendim për ambasadorin Bushati: I lejohet të shkojë në inagurimin e Trump

Pasi fillimisht vendosën se pjesëmarrja e Bushatit nuk duhet që të lejohej, pasi nuk u raportua në afatin e duhur, por dy ditë më vonesë, KQZ ka lejuar që Bushati të marr pjesë në inagurim.   

18 Janar 2025, 16:13 Nga I.A
KQZ ndryshon vendim për ambasadorin Bushati: I lejohet të shkojë
Ervin Bushati

TIRANË- Komisioni Qëndror i Zgjedhjeve ka ndryshuar vendim në lidhje me pjesëmarrjen e ambasadorit shqiptar në SHBA Ervin Bushatit në inagurimin e Presidentit Donald Trump më datë 20 janar. Pasi fillimisht vendosën se pjesëmarrja e Bushatit nuk duhet që të lejohej, pasi nuk u raportua në afatin e duhur, por dy ditë më vonesë, KQZ ka lejuar që Bushati të marr pjesë në inagurim.   

Reagimi i KQZ:

Ndërfaqja e raportimeve të veprimtarive publike e ndalon automatikisht një veprimtari e cila raportohet në më pak se 5 ditë përpara datës së zhvillimit të saj. Kështu ka ndodhur me rastin e raportimit të disa veprimtarive të Ministrisë për Europën dhe Punët e Jashtme. Me vendim të Komisionerit, konsideruar rrethanën justifikuese të mos respektimit të afatit 5 ditor, veprimtaria është lejuar.

Fillimisht Komisioni Qendror i Zgjedhjeve ndaloi ambasadorin Shqiptar në SHBA, Ervin Bushati që të marrë pjesë të hënën në ceremoninë inauguruese të Presidentit Donald Trump. Ditën e djeshme u raportua se fjalimi i Presidentit të zgjedhur Donald Trump më 20 janar do të mbahet në ambiente të mbyllura për shkak të motit të ftohtë që parashikohet javën e ardhshme në Uashington. Fjalimi, i presidentit dhe fjalimet e tjera, tani do të zhvillohen brenda rotondës së Kapitolit të SHBA-së dhe jo jashtë ndërtesës.

Parada inauguruese do të mbahet gjithashtu në ambientet e mbyllura në Capitol One Arena të Uashingtonit, së bashku me të tre ballot inauguruese. Presidenti i fundit që u betua në ambiente të mbyllura ishte Ronald Reagan në 1985, kur moti i ftohtë rrënoi edhe Kapitolin e SHBA. Në një deklaratë të postuar në platformën e tij të mediave sociale Truth Social, Trump tha se ai nuk dëshiron të shohë njerëz të lënduar në asnjë mënyrë mes temperaturave të ngrira.

ervin bushati kqz

Sondazh

Poll

MË SHUMË