Aktualitet

"Po na lënë pa asnjë mundësi për të ushqyer familjet"/ Tensione në tregun e Kombinatit, qytetarët në protestë: Nuk largohemi, këtu nxjerrim bukën e gojës

Tregtarët kanë reaguar duke protestuar për këtë padrejtësi që po u bëhet nga Bashkia e Tiranës, e cila pas shumë vitesh kërkon të largojë tregtarët nga vendi i punës.

18 Janar 2025, 11:26 Nga DOSJA
"Po na lënë pa asnjë mundësi për të ushqyer
pamje nga protesta

KOMBINAT- Tregtarët e Kombinatit janë përballur me një sulm nga Bashkia e Tiranës, e cila sipas tyre synon t'i largojë nga hapësirat ku tregtojnë prej vitesh fruta-perime. Ky veprim sipas tregtarëve është i padrejtë dhe po shkatërron burimin e tyre të vetëm të jetesës. Tregtarët kanë reaguar duke protestuar për këtë padrejtësi që po u bëhet nga Bashkia e Tiranës, e cila pas shumë vitesh kërkon të largojë tregtarët nga vendi i punës.

“Kemi bërë 15 ditë aksion dhe kemi mbajtur emrat e tregtarëve që shesin fruta dhe perime,” deklaroi një përfaqësues i grupit të punës, pa dhënë një zgjidhje konkrete për të gjithë tregtarët e prekur.

Ata shprehen se Bashkia po vepron në mënyrë të papritur dhe pa ofruar alternativa të drejta për ta. Gjithashtu tregtarët dhe banorët e zonës po kërkojnë që Bashkia të ndalojë largimet dhe të ofrojë një zgjidhje të drejtë që nuk cenon jetesën e tyre.

“Kemi vite që punojmë këtu dhe askush nuk na ka shqetësuar. Tani po na lënë pa asnjë mundësi për të ushqyer familjet,” tha një prej tregtarëve.

proteste ne kombinat

Sondazh

Poll

MË SHUMË