Aktualitet

Trafik droge në Belgjikë/ Shkatërrohet grupi kriminal shqiptar, në pranga 13 persona, sekuestrohen 30 mijë euro, tre automjete dhe produkte luksoze

Hetimi, i nisur më shumë se një vit më parë, zbuloi se rrjeti ishte aktiv edhe në Luksemburg, Bruksel dhe Holandë. Në përfundim të këtyre kontrolleve janë arrestuar 13 persona.

18 Janar 2025, 09:46 Nga E. D
Trafik droge në Belgjikë/ Shkatërrohet grupi kriminal shqiptar,
foto ilustruese

BELGJIKË- Policia belge ka çmontuar një grup kriminal shqiptar që ishte i përfshirë në trafikun e drogës. Siç raportohet grupi kriminal ishte i vendosur në zonën metropolitane të Lièges.

Hetimi, i nisur më shumë se një vit më parë, zbuloi se rrjeti ishte aktiv edhe në Luksemburg, Bruksel dhe Holandë. Në përfundim të këtyre kontrolleve janë arrestuar 13 persona. Pas dëgjimit, për shtatë individë u caktua nën urdhër arresti dhe katër të tjerë u akuzuan.

Dy u vendosën në një qendër të mbyllur. Operacioni bëri të mundur në mënyrë të dukshme çmontimin e një plantacioni kanabisi dhe zbulimin e një magazine që kishte shërbyer si një laborator droge sintetike. Gjithashtu janë sekuestruar drogë, lëndë kimike, një armë, 30 mijë euro cash, tre automjete dhe produkte luksoze.

policia belge

Sondazh

Poll

MË SHUMË