Aktualitet

U evakua nga Gaza në Shqipëri për trajtim mjekësor, Mjekja pediatre tregon si paraqitet gjendja e 1-vjeçarit të shtruar në QSUNT

Aktualisht fëmija 1 vjeç po mbahet në reanimacionin e Pediatrisë dhe gjendja e tij shëndetësore paraqitet e mirë.

17 Janar 2025, 18:31 Nga B.Z
U evakua nga Gaza në Shqipëri për trajtim mjekësor, Mjekja
Pamje nga evakuimi

TIRANË - Një fëmijë 1-vjeçar nga Gaza u evakua dy ditë më parë në Shqipëri dhe u shtrua në Qendrën Spitalore Universitare "Nënë Tereza", për të marrë mjekimin e nevojshëm. Mjekja pediatre, Enesa Kuqi, në një intervistë për TV Klan, thotë se stabilizimi i fëmijës ishte shumë i vështirë. Ajo tregon se i mituri ishte i kequshqyer dhe i trembur.

“Gjendja e fëmijës ishte gjendje e qëndrueshme, por ishte i lodhur, kequshqyer dhe shumë i trembur dhe nuk bashkëpunonte. Kemi patur vështirësi për ta qetësuar, për shkak se bënte infeksione rekurente, stabilimi i tij ka qenë shumë i vështirë”.

Aktualisht fëmija 1 vjeç po mbahet në reanimacionin e Pediatrisë dhe gjendja e tij shëndetësore paraqitet e mirë.

“Gjendja është e mirë, por po mbahet në vëzhgim. Ka një mjekim për bronkiolit ripersëritës që e ka marrë edhe nga mjekët në Palestinë dhe këtë mjekim do e marrë edhe në shtëpi, gjendja aktuale është e mirë”,- shprehet mjekja pediatre.

qsunt gaza

Sondazh

Poll

MË SHUMË