Politike

Mosbllokimi i rrugës nga policia, Balliu nga protesta: Kërkojnë përplasje dhe grushta të qytetarëve me njëri-tjetrin! Policia e pushtetit prisni përgjigjen e popullit

Balliu theksoi se në do vend të botës policia ka për mision të mbrojë qytetarët dhe jo ti provokoje ata me luftë me njëri tjetrin dhe me përplasje.

17 Janar 2025, 12:12 Nga N.F
Mosbllokimi i rrugës nga policia, Balliu nga protesta: Kërkojnë
Balliu

TIRANË- Koordinator i Rajonit të Tiranës në PD, Klevis Balliu ka marrë pjesë ditën e sotme në protestën e zhvilluar para bashkisë së Tiranës. Gjatë fjalës së tij Balliu u shpreh se nuk e kupton se pse Policia e Shtetit kërkon të krijojë këtë konflikt të protestuesve me qytetarët. Ai shtoi se policia kërkon që të ketë gjakderdhje dhe sherr mes qytetarëve.

Balliu theksoi se në do vend të botës policia ka për mision të mbrojë qytetarët dhe jo ti provokoje ata me luftë me njëri tjetrin dhe me përplasje. Ai thekon se protesta është e njoftuar dhe minimalisht Policia e Shtetit duhet ti sigurojë qytetarëve të drejtën për të protestuar.

"Nuk e kuptoj pse Policia e Shtetit kërkon të krijojë këtë konflikt të protestuesve me qytetarët. Dhe nuk e kuptoj se në cilin vend të botës Policia e Shtetit kërkon që të ketë gjakderdhje dhe sherr, përplasje dhe grushta të qytetarëve me njëri - tjetrin. Në çdo vend të botës Policia e Shtetit ka për mision të mbrojë qytetarët dhe jo ti provokoje ata me luftë me njëri tjetrin dhe me përplasje.

Kjo protestë është e njoftuar dhe minimalisht Policia e Shtetit duhet ti sigurojë qytetarëve të drejtën për të protestuar. Dhe nëse jeni Policia e Shtetit, zbatoni ligjin dhe krijoni mundësinë që qytetarët të protestojnë. Në qoftë se doni të jeni policia e pushtetit, pastaj prisni përgjigjen e popullit ndaj pushtetit dhe policisë së pushtetit se kjo nuk mund të vazhdojë pafundësisht," tha Balliu.

balliu protesta para bashkise se tiranes

Sondazh

Poll