Sport

Neymar i sinqertë: "Nuk jam penduar për Real Madridin, zgjodha Barcelonën me gjithë zemër edhe për Leo Messin"...

“Për të zgjidhur situatën, drejtuesit e Real Madridit më thërrisnin nga njëra anë dhe drejtuesit e Barcelonës nga ana tjetër. Zemra ime foli më fort, në fund zgjodha Barcelonën”.

17 Janar 2025, 11:38 Nga DOSJA
Neymar i sinqertë: "Nuk jam penduar për Real Madridin, zgjodha

ARABIA SAUDITE - Në një intervistë zbuluese me legjendën e futbollit brazilian, Romario,  Neymar Jr, një yll brazilian 32-vjeçar, shprehu lirshëm mendimet e tij, duke u fokusuar në fazat e karrierës së tij nga Santosi te Barcelona, përmes PSG-së deri te kalimi i tij në Arabinë Saudite te Al Hilal.

"Nuk jam penduar për karrierën time. Të gjitha gabimet që kam bërë në zgjedhjet e mia të jetës, kanë qenë për të më ndihmuar të rritem, të më ndihmojnë të piqem, kështu që nuk pendohem për asgjë", ka rrëfyer ylli i Seleçaos, me të cilën ai synon Botërorin 2026.

Një pasazh i rëndësishëm i bisedës me Romarion ishte edhe udhëkryqi dhe zgjedhja pasuese midis kërcimit te Barcelona dhe jo te Florentino Perez: "Nuk pendohem për zgjedhjen time për të zgjedhur Barcelonën në vend të Real Madridit. Ndoqa zemrën time në atë vendim. Është e qartë se unë doja të luaja me Leo Messin, që nga koha e Ronaldinhos.

Dhe Neymar e kujton mirë periudhën e furishme dhe duelin mes gjigantëve spanjolë për ta ‘vjedhur’ atë nga Santos: "Ato ditë ishin intensive. Kishte 2 ose 3 ditë, në të cilat nuk isha as në stërvitje, thjesht po shkoja nga shtëpia në zyrë. Për të zgjidhur situatën, drejtuesit e Real Madridit më thërrisnin nga njëra anë dhe drejtuesit e Barcelonës nga ana tjetër. Zemra ime foli më fort, në fund zgjodha Barcelonën”.

B.T (Dosja.al)

Sondazh

Poll

MË SHUMË