Aktualitet

Shembje në ujëmbledhësin e Sasajt në Himarë/ Ministria e Mbrojtjes: Ka prezencë uji dhe balte në 12 biznese, është dëmtuar baza ushqimore e blektorisë në 2 familje

Sipas ministrisë në momentin e shembjes ka patur rreth 15.000 metra kub ujë.

16 Janar 2025, 15:21 Nga M.B
Shembje në ujëmbledhësin e Sasajt në Himarë/ Ministria
Foto nga vendi i ngjarjes

HIMARA- Ministria e Mbrojtjes ka reaguar lidhur me situatën e krijuar nga shembja në ujëmbledhësin e Sasajt në Bunec të Himarës. Sipas ministrisë në momentin e shembjes ka patur rreth 15.000 metra kub ujë. Bëhet me dije se si pasojë ka prezencë uji dhe balte në 12 biznese në Bunec dhe është dëmtuar baza ushqimore e blektorisë në 2 familje. 

Mësohet se aktualisht është bërë i kalueshëm aksi i rrugës nacionale Bunec-Piqeras dhe po punohet nga strukturat e bashkisë Himarë për pastrimin e baltës. Ndërkohë, stuata po ndiqet nga prefektura Vlorë dhe strukturat e emergjencave civile të bashkisë Himarë.

Njoftimi:

Informacion mbi situatën e krijuar në bashkinë Himarë

Rreth orës 12:26 të ditës së sotme ujëmbledhësi i Sasajt, në Bunec, bashkia Himarë, i cili është ndërtuar në vitin 2010 ka pësuar shembje. Në momentin e shembjes ka patur rreth 15.000 metra kub ujë. Si pasojë ka prezencë uji dhe balte në 12 biznese në Bunec dhe është dëmtuar baza ushqimore e blektorisë ne 2 familje. Nuk ka probleme në njerëz.

Aktualisht është bërë i kalueshëm aksi i rrugës nacionale Bunec-Piqeras dhe po punohet nga strukturat e bashkisë Himarë për pastrimin e baltës. Situata po ndiqet nga prefektura Vlorë dhe strukturat e emergjencave civile të bashkisë Himarë.
Ministria e Mbrojtjes, Agjencia Kombëtare e Mbrojtjes Civile dhe Forcat e Armatosura janë përherë në gatishmëri, në ndihmë të komunitetit.

himara

Sondazh

Poll

MË SHUMË