Sport

Guardiola tregon për mungesën: “Walker ka kërkuar të largohet nga Manchester City”...

Pep Guardiola ka zbuluar se Kyle Walker kërkoi të largohej nga Manchester City për të luajtur jashtë vendit përpara se të pensionohej.

12 Janar 2025, 07:30 Nga DOSJA

Guardiola tregon për mungesën: “Walker ka kërkuar të

Angli - Kapiteni i Manchester Cityt, Kyle Walker ka informuar drejtuesit se dëshiron të largohet nga klubi. Lajmi është mësuar për gazetarët nga Pep Guardiola, pasi u pyet se pse mbrojtësi anglez u la jashtë skuadrës për ndeshjen fituese ndaj Salfordit.

Trajneri katalanas shpjegoi se arsyeja është që 34-vjeçari ka prirje largimi, pasi ai ka marrë vendimi i tij për të garuar jashtë vendit për herë të parë në karrierën e tij, përpara se të “varë këpucët e futbollit”.

"Dy ditë më parë, Kyle kërkoi të largohej nga ekipi. Ai na tha se dëshiron të eksplorojë opsionet e tij dhe të luajë diku jashtë vendit për të mbyllur karrierën e tij,"- tha Guardiola.

Në verë, Walker do të plotësojë tetë vite te Etihad, ndërsa është i lidhur me kontratë deri në vitin 2027. Deri më tani, ai ka bërë 319 ndeshje për ‘Qytetarët’, duke shënuar gjashtë gola dhe 23 asistime.

B.T (Dosja.al)

Sondazh

Poll

MË SHUMË