Aktualitet

Shkarkimi i Altin Bashës pas investigimit të Piranjave/ Julian Deda: Drejtësia mos të mjaftohet vetëm me shkarkim, duhet hetim gjithashtu..!

Aktori shprehet se posti si drejtor i Teatrit Kombëtar ishte dhe arsyeja që ndryshoi dhe qëndrimin e Altin Bashës për shembjen e teatrit. 

9 Janar 2025, 18:06 Nga r.ll
Shkarkimi i Altin Bashës pas investigimit të Piranjave/ Julian Deda:
julian deda, altin basha

TIRANË- Aktori i humorit Julian Deda ka reaguar pas shkarkimit të Altin Bashës si drejtor i Teatrit Kombëtar pas investigimit të emisionit "Piranjat". Përmes një videoje të postuar në Instagram, Deda shkruan se tashmë pas shkarkimit duhet të nisë dhe hetimi ndaj Bashës. Aktori shprehet se posti si drejtor i Teatrit Kombëtar ishte dhe arsyeja që ndryshoi dhe qëndrimin e Altin Bashës për shembjen e teatrit. 

"Vjen një ditë dhe të kthehet mbrapsht çdo gjë që ti ke pretenduar të bësh dhe çdo gjë që ti ke bërë në kurriz të tjerëve. Nga viti 2008 e mbrapa, dikush për arsye të tij, shumica e aktorëve kanë ikur nga Portokallia sepse nuk janë marrë vesh me zotërinë. Dhe ja ku jemi sot pasi dikush e bleu dhe i premtoi diçka këtij zotërisë këtu, doli pro shembjes së teatrit. Më vonë, ne morëm pse ky doli pro shembjes së teatrit. Sepse ai u bë drejtor i Teatrit Kombëtar. Dhe atje vazhdoi me abuzimet, siç ka abuzuar dhe në TVSH, por ato do dalin më vonë, me njëfarë shfaqje Fustanella. Ka abuzuar me fondet e teatrit. Pra me pak fjalë një hajdutëri e madhe e cila sot konkretizohet me shkarkimin e tij dhe bashkë me të dhe bashkëshortja e tij. Une shpresoj që drejtësia mos ta leje me kaq. Për sa kohë është shkarkuar për abuzim me fonde, do të thotë që kemi të bëjmë me vjedhje. Dikush ta hetojë dhe ta cojë punën deri në fund.", shprehet aktori ndër të tjera në videon e postuar. 

 
 
 
 
 
View this post on Instagram
 
 
 
 
 
 
 
 
 
 
 

A post shared by Julian Deda (@juldeda)

Aktorja Delinda Disha, gjithashtu reagoi më herët në një video të filmuar jashtë teatrit dhe me fotografinë e çiftit Basha në duar të grisur, ku shprehej se Teatri Kombëtar u lirua dhe se sot ka rilindur sërish. 

Ndërkohë sot menjëherë pas shkarkimit të Bashës, me vendimin e Këshillit të Ministrave, është komanduar drejtori i ri. Postin e drejtorit të Teatrit Kombëtar e ka marrë përkohësisht Indrit Çobani. Shkarkimi i Bashës erdhi pas investigimit të emisionit "Piranja", ku nxorrën zbuluar skandalin me abuzimin e fondeve të Teatrit Kombëtar. 

Në investigimin e Piranjave faktohet se Altin Basha si drejtor i Teatrit Kombëtar dhe bashkëshortja e tij, Iliriana Basha, kanë abuzuar me fondet që ka ky institucion. "Piranjat" faktuan se Altin Basha si drejtor i Teatrit Kombëtar dhe bashkëshortja e tij, Iliriana Basha, kanë abuzuar me fondet që ka ky institucion. Ndërkaq në një përballje me "Piranjat" Altin Basha nuk dha thuajse asnjë përgjigje, duke kërkuar takim zyrtar tek Teatri Kombëtar. Ndërsa bashkëshortja e tij Iliriana Basha nuk pranoi të ketë përfituar nga fondet e kostumeve për shfaqjen "Vojçek".

julian deda altin basha

Sondazh

Poll

MË SHUMË