Politike

Zgjatet deri në 2027 afatin e shqyrtimit të dosjeve të ish-pronarëve, Manja: Dhjetori 2028, afati i kompensimit

Bëhet me dije se në mbledhjen e sotme të këshillit të ministrave, u miratuan ndryshimet në ligjin 133/2015 për trajtimin e pronës dhe përfundimin e procesit të kompensimit të ish pronave

9 Janar 2025, 14:43 Nga M.B
Zgjatet deri në 2027 afatin e shqyrtimit të dosjeve të
Ulsi Manja

TIRANA-Qeveria ka zgjatur afatin për shqyrtimin, vlerësimin e kompensimin e pronave të ish pronarëve. Bëhet me dije se në mbledhjen e sotme të këshillit të ministrave, u miratuan ndryshimet në ligjin 133/2015 për trajtimin e pronës dhe përfundimin e procesit të kompensimit të ish pronave.

Ministri i drejtësisë Ulsi Manaja tha sot se afati i shqyrtimit dhe vlerësimit të dosjeve të patrajtuara në Agjencinë e Trajtimit të Pronave shtyhet deri në dhjetor 2027. Ndërkohë afati i kompensimit në vlerë të ish-pronarëve do të shtyhet deri në dhjetor 2028.

"Sa i takon shqyrtimit dhe vlerësimit të dosjeve të patrajtuara në Agjencinë e Trajtimit të Pronave, afati sipas ligjit mbaronte në dhjetor 2024, por ne kemi vendosur që të ndryshojmë Ligjin 133 të vitit 2015, duke e çuar afatin e vlerësimit dhe shqyrtimit të dosjeve të patrajtuara nga ATP deri në dhjetor të vitit 2027.

Janë dy ndryshime shumë të rëndësishme sepse, e para, i jep mundësinë ATP-së që të shprehet për mundësinë e trajtimit të 7110 dosjeve të patrajtuara të ish-pronarëve dhe deri në fund të 2028-ës një numër i konsiderueshëm i ish-pronarëve të kompensohen edhe në vlerë financiare”, tha Manja.

ulsi manja

Sondazh

Poll

MË SHUMË