Aktualitet

U transportua nga spitali i Korçës në Tiranë për mjekim të specializuar, ndërron jetë 12-vjeçari, dyshohet se pësoi arrest kardiak

Mësohet se i mituri është nga fshati Pocestë ndërsa ishte nxënës në klasën e 7-të të shkollës në fshatin Vashtëmi.

8 Janar 2025, 13:20 Nga ZH.LL
U transportua nga spitali i Korçës në Tiranë për
ambulance

TIRANË- 12-vjeçari, i cili është transportuar me urgjencë nga Korça në Tiranë për mjekim të specializuar, ka ndërruar jetë. I mituri është paraqitur në spital rreth 10 ditë më parë me simptoma gripi dhe ka dalë nga spitali me datë 31 dhjetor, pasi gjendja e tij shëndetësore është përmisuar. Por, gjendja e tij me të vjella është përsëritur, teksa ka shkuar sërish në spital, ku më pas ka rezultuar se kishte gliceminë.

Sipas informacioneve nga policia, i mituri është dërguar mëngjesin e djeshëm në urgjencën e Korçës me tension të lartë, ndërsa pas kontrollit është nisur menjëherë drejt Tiranës për mjekim të specializuar. Ndërsa mësohet se mbrëmjen e kaluar ka pësuar arrest kardiak.

Për shkak të moshës së re dhe rrethanave të vdekjes së papritur, policia ka nisur mëngjesin e sotëm hetimet lidhur me rastin për të zbuluar shkaqet e vdekjes së të miturit. Ndërkohë, pritet në vijim të kryhet ekspertiza mjeko ligjore për të zbardhur shkakun e vdekjes.

korce tiran humb jeten 12 vjecari

Sondazh

Poll

MË SHUMË